ဝါဆိုဝါခေါင် ရေတွေကြီးလို့ သပြေသီးမှည့် ကောက်စို့ကွယ် စတဲ့ကဗျာလေးကစလို့ ကလေးကဗျာလေးတွေ ရွတ်ခဲ့ဘူးတဲ့

အချိန်လေးကို ပြန်လွမ်းမိစေဖို့ ဇီဇဝါက ကလေးဘဝတုန်းက အော်ဟစ်ခဲ့ဖူးတဲ့ ကဗျာလေးတွေ အကြောင်းရေးဖို့ Tag

လာပါတယ်….

ပထမဆုံး ရင်းနှီးခဲ့ ဖူးတဲ့ ဂျာအေးနဲ့ မုန့်လုံး စက္ကူကပ်တဲ့ ကဗျာလေးကို ဆိုချင်သလိုဆို အော်ချင်သလို အော်ခဲ့ဖူးပါတယ်။

မုန့်လုံးကိုစက္ကူကပ်လို့

ကြာကလပ်နဲ့ဆွမ်းတော်တင်

ပလ္လင်ပေါ်က မျောက်ကလေး ဆင်းခုန်လို့ပြေး

ဂျာအေး

ဂျာအေးကို သူ့အမေရိုက် မုန့်လုံး

မုန့်လုံးကို သူ့အမေရိုက် ဂျာအေး

ဂျာအေးကို သူ့အမေရိုက် မုန့်လုံး

ဆိုပြီး ဂျာအေး သူ့အမေရိုက်တဲ့ ကဗျာလေးကို ဆိုချင်သလို ဆိုခဲ့ဖူးတာ ယနေ့ချိန်ထိ အမှတ်ရစေခဲ့သလို….

မူလတန်းကျောင်းတက်တဲ့ အချိန်မှာဆိုတော့ ကတုံးတုံးထားတဲ့ ကျောင်းသားလေးတွေတွေ့တိုင်း အော်ဟစ်

နောက်ပြောင်ခဲ့ဘူးတဲ့ ကတုံးဘွဲ့ ကဗျာတို ကဗျာစလေးတွေ

ကတုံးပြောင် အုံးမောင်

တောင်ပေါ်တက် ဇီးကွက်

ရေထဲချ ငါးပြေမ

တုတ်နဲ့ထိုး ငါးမြွေထိုး

ဆီနဲ့ကြော် ငါးကြော်…… ဆိုတဲ့ ကဗျာတိုတိုလေးတွေ

ကတုံးကတုံး တယ်လီဖုန်း

ရန်ကုန်မြို့ကို ဆက်ပါအုံး

တစ်နာရီကို မိုင်သုံးဆယ်

ကတုံးဖင်မှာေ-ျး ကပ်တယ်

ဆိုပြီးလဲ သူငယ်ချင်းတွေနဲ့ အော်ခဲ့ဘူးသလား ဆိုတာ ခုချိန်မှာတော့ ဝါးတားတား…

ကတုံးတုံးထားတဲ့ ကောင်မလေးတွေကိုတော့

ကတုံးမဖင်မှာ ဝဲခြောက်တွေပေါက်

ခြောက်လကြာတော့ ပြည်သူ့ဆေးရုံရောက်….

ငါးပြားဆယ်ပြားလောက်

လို့ အော်ခဲ့ဘူးသလား နောက်ပြောင်ခဲ့ဘူးသလား…..မမှတ်မိတော့ပါ….

နှပ်ချေးတွဲလောင်းနဲ့ ကလေးလေးတွေကို ကျောင်းမှာတွေ့ရင်

နှပ်ချေးတွဲလောင်း မုန့်စိမ်းပေါင်း

ငံပြာရည်နဲ့လောင်း ဆိုပြီး လက်ညှိုးထိုးလို့ အော်ခဲ့ဖူးသလိုလို…..

မှတ်မှတ်ရရ မူကြိုတက်တုန်းက အသားဖြူဖြူ တုတ်တုတ်လုံးလုံး ကောင်မလေးတစ်ယောက် ကိုတော့

တရုတ်မကြီး ဘောင်းဘီတို

ဝက်သားရောင်းတယ်ဆို

သူလုငါလု ဝက်သားရိုးနဲ့ထု လို့ နောက်ပြောင်ခဲ့ဘူးပါသေးတယ်….

အသားမဲမဲကောင်လေးတွေကို တွေ့ရင်တော့

ကုလားလေး ဓါးသွေး

ပိုက်ဆံငါးပြားပေး...

လို့သံပြိုင်အော်ခဲ့ဖူးတာ မှတ်မိနေပါသေးတယ်…

ကလေးဘဝတုန်းကတော့ ကလေးသဘာဝ အချင်းချင်း မညှာမတာ နောက်ပြောင်ခဲ့ကြသလို အားမနာတမ်းလဲ

စွပ်စွဲ ခဲ့ဖူးပါတယ်… တစ်ယောက်ယောက်ဆီက အနံ့ထွက်လာရင်လဲ လက်ညှိုးထိုးလို့

အီးအီးဘယ်သူပေါက် မောင်ပေါက်

ပေါက်တဲ့သူ မှန်မှန်ပြော အီးဘွတ်တရားဟော

ဟောလို့မကြေ သံပရာရည် ယောင်းမကြီးနဲ့မွှေ

ဆိုတဲ့ ဟိုမရောက်သည်မရောက်တွေလဲ လျောက်အော်ခဲ့ဖူးသလိုလို…..

မကျေနပ်တဲ့ သူငယ်ချင်းကောင်မလေးတွေကို မသိမသာစချင်နောက်ချင်ရင်တော့…

….. ဖင် လောက်စာလုံးဝင်

ကယ်ကြပါအုံးရှင်

မကယ်နိုင်ဘူး ထဆင်ထူး

ဝလုံးနှစ်လုံးပူး ဆိုလား… အဲလိုလဲအော်ခဲ့ဖူးသလိုလို

နွေကျောင်းပိတ်ရက်တွေဆိုရင် မေမေတို့ မြို့လေးမှာပဲ နေဖြစ်တာများတော့ မေမေတို့မြို့က ကလေးတွေ ရွတ်နေကျ

ဒေါင်းဒေါင်းနီ ချိန်းဒေါင်း ချိန်းဒေါင်း

ဒေါင်းဒေါင်းနီ ချိန်းဒေါင်း ချိန်းဒေါင်း

ဒေါင်းဒေါင်းနီ ချိန်းဒေါင်း ချိန်းဒေါင်း

ဆိုတဲ့ ကဗျာမဟုတ် စာမဟုတ် မန္တာန် လိုလို ဘာလိုလို စာသားကြီးကို

ဘာမှန်းမသိပဲ ကြောက်ကြောက်နဲ့ လိုက်ရွတ်ခဲ့ဖူးသေးတယ်…အဲဒါကြီးကိုတော့ ကလေးတွေ

အချင်းချင်းခြောက်လှန့်တဲ့ အချိန်တွေမှာ ပဲရွတ်ဖြစ်တာများပါတယ်….

ကိုယ်ငယိဘဝတုန်းက သိခဲ့ မှတ်ခဲ့တာကတော့ မေမေတို့မြို့လေးမှာ ကျားပွဲလို့ခေါ်တဲ့

ကျားလှည့်တယ် လို့လဲခေါ်တဲ့ ပွဲတစ်မျိုးရှိခဲ့တယ်…

ကျားလှည့်တဲ့ အချိန်ဆိုရင် တမြို့လုံးကလူတွေ ကလေးတွေကအစ ရှိရှိသမျှ လူတွေက

အိမ်တံခါးတွေ ပိတ်ပြီး ပုန်းနေခဲ့ဖူးတာကို မှတ်မိနေသေးတယ်…

တကယ်တော့ အဲဒီမြို့က ယောက်ျားကြီးတွေက အောက်ပိုင်းလေးပဲ ဖုံးပြီး ကိုယ်လုံးတီး ဝတ်လစ်စလစ်မှာ

ကျားနဲ့တူအောင် တကိုယ်လုံးကို ဆေးအဝါရောင်တွေ အကွက်ဖော်ပြီး ဆိုးထားကြသလို အဲဒီ

ဆေးအဝါရောင်တွေဆိုးပြီး ကျားတွေကသလို ခြေတွေလက်တွေ ကွေးလိုက် ဆန့်လိုက်လုပ်ပြီး

တမြို့လုံးလှည့်တဲ့ အချိန်မှာ အဲဒီစာသားတွေကို ရွတ်ပြီး လှည့်ကြသလို လမ်းပေါ်မှာ မတော်တဆ

တွေ့တဲ့ သူတွေကို ဖမ်းပြီးကျားလုပ်ခိုင်းတယ် လို့လဲ ကြားဖူးပါတယ်….

ကျားလုပ်ဖို့ အတွက် အဲဒီဆေးတွေဆိုးပြီးရင် ဆေးတွေခြောက်အောင် မီးနဲ့ကင်တယ်လို့လဲ

လူကြီးတွေက ပြောပြဖူးတာမို့ ကျားပွဲဆို ကလေးတိုင်း တုန်နေအောင် ကြောက်ကြပေမယ့် ကျားတွေအော်တဲ့

ဒေါင်းဒေါင်းနီ ချိန်းဒေါင်း ချိန်းဒေါင်း

ဒေါင်းဒေါင်းနီ ချိန်းဒေါင်း ချိန်းဒေါင်း

ဆိုတာကြီး ကိုတော့ အဓိပ္ပါယ်လဲမသိ ဘာရယ်မှန်းလဲ မသိပဲအပျော်တန်းလိုက်ရွတ်ခဲ့ဘူးပါတယ်…..

အဲဒီ ကျားလှည့်တဲ့ အစဉ်အလာလေးက လူမှုရေးနဲ့ ပက်သက်လား ဘာသာရေးနဲ့

ပက်သက်လားဆိုတာကတော့ ခုချိန်ထိ ဇဝေဇဝါနဲ့ သေသေချာချာ မသိခဲ့ပါဘူး….

နောက်ပြီးတော့ ရှေ့ကအကိုတွေက အမတွေ အင်္ဂလိပ်စာ စသင်တော့ သူတို့ ရွတ်နေတဲ့ စာသားလေး

ရွတ်လို့ကောင်းလို့ လိုက်ရွက်ဘူးတယ်….

ဦးဆန်းဦးက အီးပါရင် ing လေးထည့်ဖို့ပြင်

ဆိုတာလေးကို ငယ်တုန်းကတော့ ဘာမှန်းမသိပဲ ရွတ်မိခဲ့တာ….

နောက်ပိုင်းမှာ မှသိလာတာက U SAN OO ဆိုတာကြီးက Usually, Sometimes, Always, Never, Ever,

စတာတွေကိုပြောပြီး ဝါကျတွေ တည်ဆောက်တာကို စသင်တဲ့အချိန်တုန်းက အကိုအမတွေက အော်လို့

ကလေးတွေကလဲ ဘာမှန်းမသိပဲ အော်ခဲ့ကြတာလေးပါ...

ပြီးတော့ ထားဝယ်သူ အဖွားက အသံခပ်ဝဲဝဲနဲ့ ရွတ်ပြနေကျ သင်္ကြန်သံချပ်တွေလဲ လိုက်ရွတ်မိပါတယ်….

ဝယ်သား (ကောင်မလေးတွေ)တွေလဲ ကြီးတတ်လာ

(တို့ )လဲ ကြီးတက်လာ

ဝယ်သားတွေက ( တို့) ကိုကြည့်

( တို့) က ( တို့) ကိုကြည့်

အဲသည် (တို့) ဆိုတာကြီးက သူတို့ အသံထွက်နဲ့ဆိုရင် အဲဒီစာပိုဒ်က ဟာသ တစ်မျိုးဖြစ်နေပါတယ်…

မြန်မာသံထွက်မယ်ဆိုရင် နည်းနည်းလဲ ရိုင်းတဲ့ အသုံးအနှုန်းလို့ ( အသံထွက်က ရိုင်းသလိုလို) ဖြစ်နေလို့

သေချာမရေးဖြစ်တာပါ…. ထားဝယ်သားထားဝယ်သူတွေ အသိရှိရင် မေးပြီး ရွတ်ခိုင်းကြည့်ပါ ရီရတယ်...

ရန်ကုန်က ကလေးတွေရွတ်တာတွေလဲ ရွတ်မိသလို နယ်ရောက်ရင်လဲ နယ်က ကလေးတွေ ရွတ်တာတွေလဲ လိုက်ရွတ်ခဲ့ဖူးပါတယ်...

ကလေးဆိုတာ ဘယ်က ကလေးပဲ ဖြစ်ဖြစ် အပြစ်ကင်းပါတယ်.....

အပြစ်ကင်းတဲ့ ကလေးဘဝတုန်းက အပျော်သဘောနဲ့ ဟိုအော် သည်အော် အော်ခဲ့ဖူးတာလေးတွေကို ပြန်တွေးတိုင်း လွမ်းမိသလို....

အဲသည်လို ဖြူစင်လွန်းတဲ့ အချိန်တုန်းကရခဲ့ဖူးတဲ့ လွပ်လပ်ခွင့်လေးတွေကိုလဲ ပြန်ပီး တမ်းတမိပါတယ်...

လွပ်လပ်ခြင်းရဲ့ အရသာကို မလွပ်လပ်ခြင်းနဲ့ နှိုင်းယှဉ်ကြည့်မှ သိသိသာသာ မြင်လာရသလို...

ကလေးဘဝတုန်းက လွပ်လွပ်လပ်လပ်နဲ့ အော်ချင်တိုင်းအော်ခဲ့ရပေမယ့် ခုချိန်မှာတော့ အဲလို အော်မိရင် အရိုက်ခံရမှာ သေချာပါတယ်.... ကလေးတွေမှ မဟုတ်တော့တာနော်....

ဇီဇဝါရေ ကလေးဘဝကို ပြန်ပြီး လွမ်းမိအောင် အခုလို တက်ဂ်တာ ကိုကျေးဇူးပါနော်.....

ကိုယ်တိုင်က သူငယ်ချင်းတွေကို အားနာပေမယ့် ဇီဇဝါက တက်ဂ်ပေးပါဆိုလို့

သူငယ်ချင်းများဖြစ်ကြတဲ့

မြတ်နိုး

မငုံ

ဇော်

လင်းကြယ်ဖြူ

ကိုနေလင်းချမ်း

သမီးပျို

ဖြူစင်ကြယ်

အိုက်ခီလောက်

ရေတမာ

ပန်းရနံ့(ကိုကိုမောင်)

ကိုသားကြီး

မိုးစက်အိမ်

မြစ်ကျိုးအင်း

အမရာ

ကိကိ

မိုးခါး

တို့ကို လက်ဆင့်ကမ်းပါတယ်....

သူငယ်ချင်းတို့ရေ ဇီဇဝါနဲ့ အတူတူ စောင့်ကြည့်နေမယ်နော်....