ကိုအောင်( ပျူနိုင်ငံ) တက်ဂ်လာတဲ့ ဘလော့ဒေးအတွက် ပို့စ်လေး မစခင်မှာ ဘဝတူ စာရေးသူတွေနဲ့ စာဖတ်သူတွေကို အရိုးသားဆုံး ဝန်ခံချင်ပါသည်။

“ဘလော့စပေါ့ စာမျက်နှာတွေပေါ်မှာ စာရေးနေပေမယ့်
ကျွန်မ ဘလော့ဂါတစ်ယောက် မဟုတ်ပါ”

သန်းပေါင်းများစွာသော ဘလော့စာမျက်နှာများထဲမှ ဘလော့ဂါရယ်လို့ လူအများအသိအမှတ်ပြုခံရလောက်အောင် စာမျက်နှာတွေကို ဖန်းတီးနိုင်လောက်တဲ့ အရည်အချင်းမျိုးလဲ ကျွန်မမှာ မရှိပါ။

တကယ်တော့ ပရိုလို့ အများကပြောနေကြတဲ့ ပရော်ဖက်ရှင်နယ် ဘလော့ဂါတစ်ယောက်ဖြစ်ဖို့ဆိုတာ ကျွန်မလို ဝါသနာအရ စာရေးနေသူတွေအတွက် အတော်အတန် အလှမ်းဝေးနေပါသေးသည်။

ဘလော့ဂါရယ်လို့ သတ်မှတ်ခံရဖို့အတွက် နေ့စဉ် သတ်မှတ်ထားသော စာဖတ်သူ အရေအတွက် ပြည့်မီအောင် စာမျက်နှာတွေကို ဖန်တီးရမည်လေ.....ပြီးတော့ ဘလော့လေးကို ပုံမှန် လည်ပတ်နေအောင် သတင်းအချက်အလက်တွေ အမြဲတမ်း ဆန်းသစ် ခေတ်မီနေအောင် ထိန်းသိမ်းစောင့်ရှောက်ရမည်။ ကိုယ့်ဘလော့လေးကို လာပြီး အားပေးကြတဲ့ စာဖတ်သူတွေကို ဧည့်ဝတ်ပျူငှာရမည်။

ဘဝရပ်တည်ရေးအတွက် ရုန်းကန်ရင်း ရှားပါးလွန်းတဲ့ ကိုယ်ပိုင်အချိန်တွေကို မျှဝေပြီး စာတိုပေစလေးတွေချရေးနေတဲ့ ကျွန်မအတွက်တော့ အဲဒီလိုအပ်ချက်တွေ ပြည့်မီအောင် မစွမ်းနိုင်သေးပါ။

အချိန်ပြည့်စာရေးသူတစ်ယောက်ဖြစ်ချင်တဲ့ ဆန္ဒတစ်ခုက ဘဝတိုက်ပွဲတွေကြားမှာ အိမ်မက်တစ်ခုအဖြစ်သာ ရှိနေပါသေးသည်။
ဘလော့ဂါတစ်ယောက် မဟုတ်ပါလို့ ဝန်ခံခဲ့ပေမယ့် ဘလော့စပေါ့ စာမျက်နှာပေါ်မှာ ဝါသနာအရ စာတိုပေစတွေ ရေးနေသူ မထင်မရှား စာရေးသူတစ်ယောက် အဖြစ်တော့ မဝံ့မရဲ ခံယူထားမိပါသည်။

ဒီတက်ဂ်ပို့စ်လေးကို ရေးနေရင်းက ကိုအောင်က ဘလေ့ာဒေးလို့ ဆိုထားတာမို့ ဘယ်တုန်းကမှ မဖတ်ဘူးတဲ့ နိုင်ငံတကာက ဘလော့အချို့ကို လက်လှမ်းမီသလောက် လိုက်ရှာကြည့်မိပါသည်။

သန်းနဲ့ချီတဲ့ ဘလော့ဂါတွေ ကြားထဲမှာ အောင်မြင်နေတဲ့မြန်မာဘလော့ဂါတွေရဲ့ ဘလော့တွေကို အထင်ကြီး လေးစားစွာ တွေ့နေရသလို နိုင်ငံတကာက ဘလော့တွေကိုလဲ တွေ့ရပါသည်။

အောင်မြင်နေတဲ့ နိုင်ငံတကာက ဘလော့ဂါတွေမှာကျတော့ စီးပွားရေး လူနေမှုဘဝ အနုပညာ ဖက်ရှင်နဲ့ ယဉ်ကျေးမှု အလှအပရေးရာ အချက်အပြုတ် စသည်ဖြင့် သီးသန့်လမ်းကြောင်းတွေပေါ်မှာ ပရော်ဖက်ရှင်နယ်ပီသစွာ ဘလော့ဂင်းလုပ်နေကြတာကို တွေ့ရပါသည်။

ကမ္ဘာနဲ့အဝှမ်းမှာရှိတဲ့ စာဖတ်သူတွေကို ဘလော့ပေါ်ကနေတဆင့် သူတို့တတ်ကျွမ်းထားတဲ့ အနုပညာ အတတ်ပညာတွေကို မျှဝေပေးနေသူဘလော့ဂါ တချို့ကို အခုလို တွေ့လိုက်ရပါသည်။

AnaLuiza
Brazil | Arts & Culture
I've started this blog to share the good things people create in arts, science, leisure, ideas, no matter where or when. A dash of humor, a drop of...
Votes (405) | Comments (314) | Followers (320)

Sheridansmith
United Kingdom | Arts & Culture | 20 Followers
I'm a free lance Fashion Stylist, Writer and Illustrator living in London. Please do get in touch if you'd like to discuss personal /... (more)

Pablo
United States | Business | 10 Followers
I am a financial writer and a law advisor. I maintain few sites and blogs. (more)

tast-e
Canada | Life & Lifestyle | 13 Followers
My mantra is to cook with whole ingredients…except for when I bake! I think we all deserve a treat every now and then! (more)


Google ရဲ့ ဝန်ဆောင်မှုတစ်ရပ်ဖြစ်တဲ့ ဘလော့စပေါ့ ဆိုတဲ့ စာမျက်နှာတွေကို ၂၀၀၃ ခုနှစ်မှာကတည်းက စပြီး သုံးစွဲခဲ့ကြတယ်ဆိုပေမယ့် အဲဒီအချိန်တွေတုန်းက အင်တာနက်စာမျက်နှာပေါ်မှာ ကိုယ်ပိုင်ဒိုမိန်းတစ်ခုမဝယ်ပဲ စာမျက်နှာတွေ ဖန်တီးလို့ရတယ်ဆိုတာကို ကျွန်မ မသိခဲ့ပါ။

ဘလော့လောကမှာ စာတွေမရေးခင် အချိန် ၂၀၀၈ နှစ်ဆန်းပိုင်းတုန်းကတော့ မြန်မာ မဟုတ်တဲ့ သူငယ်ချင်းမလေးတစ်ယောက်က သူရေးနေတဲ့ open diary ဆိုပြီး သူ့ဘလော့လေးကို ဖွင့်ပြဘူးတာမို့ အသစ်အဆန်း ဒိုင်ယာရီတစ်ခုအနေနဲ့ စပ်စပ်စုစု ဖတ်လိုက်ပေမယ့် ဘယ်လိုရေးရတာလဲ ဘာတွေလုပ်လို့ရသေးလဲဆိုတဲ့ မေးခွန်းတွေတော့ မမေးဖြစ်လိုက်ပါ။ သူရေးနေတဲ့ ဘလော့စပေါ့ကို ပိုက်ဆံပေးရတဲ့ အင်တာနက် စာမျက်နှာတွေလို့ပဲ တွေးထင်ခဲ့မိတာလဲ ပါပါသည်။

၂၀၀၃ ခုနှစ်နောက်ပိုင်းကစလို့ ဖေစ့်ဘုတ်ကို တွင်တွင်ကျယ်ကျယ် မသုံးကြခင်အချိန်တွေအထိတော့ ဘလော့ဆိုတာ အချို့သော သူများအတွက် communication tools, စီးပွားရေး လုပ်ငန်းရှင် ပေါက်စလေးတွေအတွက် marketing tools, ပညာသင်ကြားဆဲ ကျောင်းသား ကျောင်းသူတွေ စဉ်ဆက်မပြတ် လေ့လာသင်ယူနေသူတွေအတွက် education tools, နေ့စဉ်မှတ်တမ်းတွေကို မြတ်နိုးသူတွေအတွက် အွန်လိုင်းပေါ်က daily diary, တခါတရံ ဘဝမှာ အမှတ်တရလေးတွေကို မှတ်တမ်းတင်တတ်သူတွေအတွက်တော့ open note book တွေ ဖြစ်ခဲ့ဘူးပါသည်။

ပြီးတော့ ဘလော့တွေဟာ စာဖတ်သူတွေချစ်တဲ့ စာအုပ်စင်ကြီးတွေလို ကျွန်မတို့ စာရေးလိုသူတွေ ကလောင်သွေးလိုသူတွေ အတွက် အလွတ်တမ်း လေ့ကျင့်ကွင်းတစ်ခုလိုလဲ ဖြစ်နေခဲ့ပါသည်။

ဒီဘလော့ဂိုစဖီးယားကြီးထဲမှာ စာတွေလိုက်ဖတ်လို့ရတယ်ဆိုတာကို ကျွန်မ စပြီးသိခဲ့တာက ကိုနေဘုန်းလတ်ရဲ့ ဘလော့ကိုစတွေ့တဲ့အချိန် ၂၀၀၈ ဒီဇင်ဘာလ။

ကိုနေဘုန်းလတ်ဘလော့ကနေတဆင့် အခြားဘလော့တွေကို လိုက်ဖတ်ရင်း ကိုယ်ပိုင် ဘလော့လေးကို စပြီးရေးဖြစ်တာတာ ၂၀၀၈ ဒီဇင်ဘာ ၁၂ ရက်နေ့။

မြန်မာဘလော့တွေ တော်တော်များများ အရှိန်ရနေတဲ့ အချိန်မှာ အခြားစာရေးသူတွေလို ကိုယ်ပိုင် ဘလော့တစ်ခု ဖန်တီးချင်မိပါသည်။ ဒါပေမယ့် ကျွန်မကိုယ်တိုင်က စာရေးဖို့ပဲသိပြီး နည်းပညာပိုင်းတွေ နားမလည်တာမို့ ဒီဘလော့လေးဖြစ်မြောက်ရေးအတွက် စီနီယာ ဘလော့ဂါ အကိုတွေ အများကြီးက စိတ်ရှည်လက်ရှည်နဲ့ ကူညီပေးခဲ့ဘူးပါသည်။

စနစ်တကျ စာရေးနည်း ပို့စ်တင်နည်းတွေကို စိတ်ရှည်လက်ရှည် သင်ပေးခဲ့သလို ဒီဘလော့တစ်ခုလုံးဖြစ်မြောက်ရေးအတွက် အစစအရာရာ ကူညီပေးခဲ့တာက ကိုကြီး My Metro World ပါ။

ပထမဆုံး ဒီဘလော့က စာတွေကို လာဖတ်ပြီး အားပေးခဲ့သလို လက်တွဲခေါ်ခဲ့တာကတော့ ကိုအောင်သာငယ် ကိုတင့်ထူးရွှေ ကလိုစေးထူး မမသီရိ နဲ့ မောင်မျိုး ၊ နောက်ပိုင်းမှာတော့ မပန်ဒိုရာ မကေ ကိုရန်အောင် ကိုဖိုးစိန် မိုမိဂျိ မိုးခါး ကိုနေညိုရင့် ကိုသီဟသစ်နဲ့ အခြားအခြားသော စာဆက်မရေးဖြစ်ကြတဲ့ ဘလော့ဂါတွေ။

နောက်ပိုင်းမှာတော့ ဒူဘိုင်းနဲ့ အဘူဒါဘီမှာရှိတဲ့ ဘလော့ဂါတွေအားလုံးကို ဘလော့စာမျက်နှာတွေပေါ်ကနေတဆင့် တစတစ သိကျွမ်း ရင်းနှီးခွင့်ရခဲ့ပါသေးသည်။
စာရေးတာ အရှိန်လေးရလာတာနဲ့အမျှ ကိုယ်တိုင် သတိမထားမိလိုက်တဲ့ အချိန်တစ်ခုအတွင်းမှာပဲ ကျွန်မရဲ့ ဘလော့ဂိုစဖီးယားကြီးကလဲ တနေ့တခြား ကျယ်ပြန့်လာခဲ့ပါသည်။

စင်္ကာပူမှာရှိနေကြတဲ့ ဘလော့ဂါတွေ ဂျပန်မှာ ရှိနေတဲ့ ဘလော့ဂါတွေ ဆိုက်ပရပ်စ် မလေးရှား ထိုင်ဝမ် နော်ဝေ အမေရိကား အင်္ဂလန် ဘာရိန်း ဗီယက်နမ် လာအို ယိုးဒယားနဲ့ မြန်မာပြည်တွင်းက ဘလော့ဂါတွေ နဲ့ တစတစ သိကျွမ်းရင်းနှီးခွင့်ရခဲ့ပါသည်။
အချို့အချို့သော စာရေးသူတွေနဲ့ ညီအမအရင်းတမျှ ရင်းနှီးကျွမ်းဝင်လာရသလို အခြားအခြားသော စာရေးသူ အကိုတော် မောင်တော်များနဲ့လဲ ငယ်ပေါင်းကြီးဖော် တိုင်ပင်ဖော် တိုင်ပင်ဖက်တွေ ဖြစ်လာခဲ့ပါသည်။

မြန်မာလူမျိုးတွေပီပီ လိုအပ်ချက်တွေရှိလာတိုင်း နေ့မရွေးညမရွေး အအိပ်ပျက် အစားပျက်ခံပြီး ကူညီရိုင်းပင်းကြပါသည်။ မေးသမျှ စပ်စုသမျှ လူမှုရေး ကိစ္စတွေကိုလဲ မညည်းမညူ ကူညီပေးကြပါသည်။
ဒီဘလော့လေးနဲ့ ပက်သက်ပြီး ပြင်ပလောကမှာ စာဖတ်သူ စာရေးသူမိတ်ဆွေတွေ တိုးပွားလာခဲ့သလို အတွေ့အကြုံ သစ်တွေလဲ တိုးပွားခဲ့ပါသည်။

ဒီဘလော့လေးပေါ်မှာ အများဆုံးရေးဖြစ်ခဲ့တာက ဒူဘိုင်းသတင်းတွေနဲ့ ဆောင်းပါးတွေ ဖြစ်ပြီး ဒီဘလော့လေးရဲ့ ကျေးဇူးနဲ့ ဒူဘိုင်း လူမှုအသိုင်းအဝိုင်းမှာ မိတ်ဆွေတွေ အများကြီးတိုးလာတာမို့ လူမှုရေးကိစ္စတွေမှာ ပါဝင်ကူညီခွင့်ရလာခဲ့ပါသည်။

ယူအေအီးရောက် မြန်မာတွေရဲ့ ရွှေရောင်စဉ် အွန်လိုင်း ဂျာနယ်ကိုလဲ ဝါသနာတူ စာရေးဖော်တွေနဲ့တွဲပြီး စီစဉ်နိုင်ခဲ့ပါသည်။
ပိုပြီးမှတ်မှတ်ရရ ဖြစ်စေတဲ့ အတွေ့အကြုံတစ်ခုကတော့ ပထမဆုံးအကြိမ် ယူအေအီးရောက် မြန်မာတွေရဲ့ စာပေဟောပြောပွဲ စီစဉ်တဲ့ အချိန်မှာ အခြားနိုင်ငံတွေက အတွေ့အကြုံရှိတဲ့ ဘလော့ဂါတွေဆီက အကြံဥာဏ်တွေရခဲ့သလို အားပေးကူညီမှုတွေလဲ ရခဲ့ပါသည်။

ဒီနေရာမှာ ထပ်ပြီး ဝန်ခံချင်တာတစ်ခုက အခြားဘလော့ဂါတွေနဲ့ ယှဉ်ရင် ကျွန်မက ဘလော့ဂါတွေကြားမှာ လူမှုရေးအနည်းဆုံး ဆိုတဲ့ အချက်ပဲ ဖြစ်ပါသည်။ မျက်စိထဲ မြင်မြင်သမျှ ဘလော့အသစ် ဘလော့အဟောင်းတွေ ရှာဖွေပြီးဖတ်ပေမယ့် စီဘောက်စ်မှာလဲ နှုတ်ဆက်ခဲသလို ကောမန့်ရေးဖို့လဲ အကြောင်းအမျိုးမျိုးကြောင့် ချီတုန်ချတုန် ဖြစ်နေဆဲဖြစ်ပါသည်။

အချိန်ရတာနဲ့ ဘလော့ပေါ်တက်ပြီး မျက်စိထဲ မြင်သမျှ ဘလော့လင့်ခ်တွေ တစ်ခုပြီး တစ်ခု လိုက်ဖတ်နေတာမို့ တခါတရံမှာ စာရေးရခြင်းထက် စာဖတ်နေရခြင်းကို ပိုပြီး သဘောကျမိပြန်ပါသည်။

နေ့စဉ်နဲ့အမျှ တိုးတက်လာတဲ့ မြန်မာ ဘလော့ဂါတွေရဲ့ မတူညီတဲ့ တင်ဆက်မှုတွေ ဆန်းသစ်တဲ့ အတွေးအခေါ် အရေးအသားတွေကြားမှာ မျောပါသွားမိတဲ့ အချိန်တိုင်းမှာလဲ ကိုယ်တိုင်စာချရေးဖို့ သတ္တိတွေ အလိုလို ပျောက်ဆုံးသွားခဲ့တဲ့ အချိန်တွေလဲ ရှိခဲ့ဘူးပါသည်။

နောက်ပိုင်းမှာတော့ ဝါသနာရှင် ဘလော့ဂါတွေရဲ့ စေတနာအပြည့်နဲ့ မျှဝေပေးနေတဲ့ အွန်လိုင်းပေါ်က စာတွေနဲ့ ဘလော့စာမျက်နှာတွေကို ပြည်တွင်းက ပရိတ်သတ်တွေ သာမက ပြည်တွင်း ပြည်ပက မီဒီယာတွေ ပါ တစတစ လက်ခံလာခဲ့တာကို သတိထားမိလာပါသည်။

အခုလိုအချိန်မှာ အွန်လိုင်းပေါ်က ဘလော့ဂါတွေရဲ့ စာပေတွေကို အွန်လိုင်းစာပေ အခန်းကဏ္ဍတစ်ခုအနေနဲ့ ပုံနှိပ်စာပေလောကမှာ အသိအမှတ်ပြုလာတာကလဲ ကျွန်မတို့လို ဝါသနာအရ စာရေးနေသူတွေအတွက် ဝမ်းသာစရာ သတင်းကောင်းပဲ ဖြစ်ပါသည်။

တခါတရံမှာတော့ ဘလော့စပေါ့စာမျက်နှာတွေကို အကြောင်းအမျိုးမျိုးကြောင့် မြန်မာပြည်တွင်းက စာဖတ်သူတွေ ဖတ်ခွင့်မရတဲ့အတွက် စိတ်မကောင်းဖြစ်ရတဲ့ သတင်းတွေကို ကြားသိရပါသည်။

ဒါပေမယ့် သေသေချာချာ ဆန်းစစ်ကြည့်လိုက်တော့ ဘလော့စပေါ့စာမျက်နှာတွေကို ပြည်တွင်းမှာ ဖွင့်လို့မရတဲ့ အခက်အခဲက ကျွန်မတို့ နိုင်ငံတစ်ခုတည်းမဟုတ်တာကိုလဲ ဝမ်းသာစရာ သတင်းအနေနဲ့ ထပ်မံသိခွင့်ရလိုက်ပြန်ပါသည်။

မြန်မာ ၊ ကျူးဘား ၊ ဖီဂျီ ၊ အီရန် ၊ ကဇစ္စတန် ၊ ပါကစ္စတန် ၊ တရုတ် ၊ ဆီးရီးယား ၊ တူရကီ နိုင်ငံတွေမှာလဲ ဘလော့စပေါ့ စာမျက်နှာတွေကို ဖွင့်ဖတ်လို့မရတဲ့ အခက်အခဲတွေ ရှိခဲ့ပါသည်။

ဘလော့စပေါ့ စာမျက်နှာတွေကို ဖတ်လို့ရသည်ဖြစ်စေ မရသည်ဖြစ်စေ ကျွန်မတို့စာမျက်နှာတွေပေါ်က ကျွန်မတို့ ပေးချင်တဲ့ သတင်းစကားတွေကို သယ်ဆောင်ပေးနိုင်တဲ့ အခြားသော မီဒီယာများစွာ ရှိနေပါသေးသည်။

ဘလော့စပေါ့တွေကို သော့ခတ်ပြီး ပိတ်ထားတဲ့ တံခါးတွေ ရှိနေပေမယ့် ပိတ်လို့မရနိုင်တဲ့ ပြတင်းပေါက်တွေကနေ ကျွန်မတို့ ပေးချင်တဲ့ သတင်းစကားတွေ ခုန်ပျံပြီး ထွက်သွားခွင့်ရှိပါသည်။

တကယ်ဆို…
မျက်စိပိတ်နေသူတွေကို မျက်စိဖွင့်ပေးဖို့…..
အမှောင်ကျနေတဲ့ နေရာတွေကို အလင်းဖြန့်ပေးဖို့
ပိတ်နေတဲ့ လမ်းတွေကို ဖွင့်ပေးဖို့ ….
အခြားအခြားသော မီဒီယာတွေလိုပဲ ဝါသနာအရ ဖန်တီးထားတဲ့ ကျွန်မတို့ ဘလော့စာမျက်နှာတွေက စွမ်းဆောင်နိုင်ပါသေးသည်။

ဘလော့ဂါစစ်စစ် မဟုတ်တဲ့ ဘလေ့ာစာမျက်နှာ ပိုင်ရှင်တွေဆိုပေမယ့် ကျွန်မတို့ တွေ့ကြုံနေရတဲ့ အတွေ့အကြုံတွေ သင်ယူခဲ့ရတဲ့ ဘဝ သင်ခန်းစာတွေကို လက်လှမ်းမီသလောက် ဖြန့်ဝေနိုင်ပါသေးသည်။

စာရေးသူနဲ့ စာဖတ်သူအကြားမှာ မကြာခဏ ဖြစ်လေ့ဖြစ်ထရှိတဲ့ မတူညီတဲ့ အယူအဆ အတွေးအခေါ်တွေကိုတော့ အခြားသော စာဖတ်သူတွေက ဖြည့်စွက်ပြီး လေ့လာသင်ယူခွင့်ရနိုင်သေးသည်လေ။။။

စာရေးသူ စာဖတ်သူတွေရဲ့ အကြားက ပေါင်းကူးတံတားလေးဖြစ်တဲ့ ဘလော့စပေါ့လေး အဓွန့်ရှည်ဖို့...
ဘဝတူ စာရေးသူတွေ စိတ်ကူးချိုချိုနဲ့ စာမျက်နှာတွေ များများ ဖန်တီးနိုင်စေဖို့ ဘလော့ဒေးအတွက် ဆုမွန်ချွေရင်း....

ဒီပို့စ်လေး ရေးဖြစ်အောင် တက်ဂ်လာတဲ့ ကိုအောင်နဲ့တကွ ဘလော့စပေါ့ပေါ်မှာ စာရေးနေကြတဲ့ စာရေးသူအားလုံးကို ဘလော့ဒေးအတွက် ကြိုတင် နှုတ်ခွန်းဆက်ပါရစေ….

(တစ်ဦးချင်းစီ နာမည်တပ်ပြီး ကျေးဇူးတင်စကား ပြောချင်သလို အမှတ်တရ အဖြစ်လေးတွေ ရေးချင်ပေမယ့် ပို့စ်က တော်တော်ရှည်နေတာမို့ အမည်နဲ့တကွ မဖော်ပြဖြစ်ခဲ့တဲ့ ကျွန်မရဲ့ ဘလော့ဂါ မောင်နှများအားလုံးကို အထူးပဲ အားနာမိပါတယ်။)

ကိုဇော် Tag လာတဲ့ အမြင်များဆိုတဲ့ ခေါင်းစဉ်ကို ရေးဖို့ စဉ်းစားကြည့်တော့ …..

လောကကြီးကို ဘောင်ခတ်ပြီး ကြည့်တဲ့သူတွေနဲ့ လောကကြီးကို ပကတိအတိုင်းကြည့်တဲ့သူရဲ့အမြင်တွေ
သူတပါးကို အကောင်းမြင်ဝါဒနဲ့ ကြည့်သူတွေနဲ့ အဆိုးမြင်ဝါဒနဲ့ ကြည့်တတ်သူတွေရဲ့ အမြင်တွေ
အရာရာကို မျက်စိတစ်ဆုံးကြည့်တဲ့သူနဲ့ မျက်တောင်တစ်ဆုံးသာကြည့်တဲ့သူရဲ့ အမြင်တွေ
လူကြီးနဲ့ လူငယ်ရဲ့ အမြင်တွေ
ပြီးတော့ ငြင်းခုန်စရာတွေနဲ့ ပြည့်နေတတ်တဲ့ မတူညီနိုင်တဲ့ အခြားအခြားသော အမြင်တွေ ကျွန်မ ခေါင်းထဲကိုရောက်လာခဲ့ပါတယ်။

ဒါပေမယ့် အရှင်းဆုံး အရိုးဆုံး ပြန်မြင်ကြည့်လိုက်တော့ အကောင်းနဲ့ အဆိုး
သူ့အမြင်နဲ့ ကိုယ့်အမြင် ဆိုတဲ့ အခြေခံအချက်လေးတစ်ခုပဲ ကွဲလွဲနေတာကို ထပ်တွေ့ရပြန်ပါတယ်။

အဲဒီမတူညီနဲ့ အတွေးအမြင် ခံယူချက်တွေကပဲ အမှိုက်ကစတဲ့ မီးတွေ ဖြစ်လာတတ်ပါသေးတယ်။

သေချာတာကတော့ အမြင်မတူ အတွေးမတူ ခံယူချက်မတူခြင်းရဲ့ နောက်ကွယ်မှာ ရှိနေတာက မဆုံးနိုင်တဲ့ စစ်ပွဲတွေ မဆဲနိုင်တဲ့ မျက်ရည်တွေပဲ ဖြစ်နေတတ်ပါတယ်။

သူတပါးကို အကောင်းမြင်ဝါဒနဲ့ ကြည့်သူတွေနဲ့ အဆိုးမြင်ဝါဒနဲ့ ကြည့်တတ်သူတွေရဲ့ အမြင်တွေ
လူတိုင်းသိပြီးသားဖြစ်တဲ့ အရိုးရှင်းဆုံးဥပမာကတော့ ရေတဝက်ဖြည့်ထားတဲ့ ဖန်ခွက်ကို အကောင်းမြင်တတ်တဲ့သူက ရေတဝက်ပြည့်နေတယ်လို့ မြင်သလို အဆိုးမြင်တဲ့သူကတော့ ရေတဝက်လျော့နေတယ်လို့ မြင်တတ်တဲ့ အမြင်လေးပဲဖြစ်ပါတယ်။

ပြီးတော့ အမြင်များဆိုတဲ့ ခေါင်းစဉ်ကို တွေ့တွေ့ခြင်းမှာပဲ ကျွန်မတို့မောင်နှမတွေကို ဖေဖေပြောပြဘူးတဲ့ တရုတ်သံအဖွဲ့အကြောင်း ပါးစပ်ရာဇဝင်လေးကို ထပ်ပြီးသတိရလိုက်မိပါတယ်။

တစ်ခါတုန်းက တရုတ်ပြည်က ချစ်ကြည်ရေး သံအဖွဲ့တစ်ဖွဲ့ မြန်မာပြည်ကို အလည်အပတ်လာတဲ့အချိန်မှာ မြန်မာတွေက ညစာစားပွဲအပြီးမှာ ရှင်မွေးလွန်း မင်းနန္ဒာ ဇာတ်လမ်းနဲ့ ဧည့်ခံဖြေဖျော်ခဲ့ပါတယ်။ ဧည့်သည်တွေကတော့ ဇာတ်လမ်းကို သေသေချာချာမသိပေမယ့် ဧည့်သည်ဆိုတဲ့အတိုင်း အိမ်ရှင်ပြသမျှ ဇာတ်ထုပ်ကို စိတ်ဝင်စားတဲ့ ပုံစံပြပြီး အားနာနာနဲ့ ကြည့်ကြပါတယ်။

ဇာတ်သိမ်းခန်းလေးမှာတော့ ငမိုးရိပ်မိကျောင်းဟာ မင်းနန္ဒာကို ပါးစပ်ထဲမှာငုံထားတာ မေ့လျော့နေခဲ့ပြီး သတိရချိန်ကျမှ ပါးစပ်ဟပြီး မင်းသားလေးကို ကြည့်လိုက်တဲ့အချိန်မှာတော့ မင်းနန္ဒာ မင်းသားလေး အသက်ပျောက်နေတဲ့ ဇာတ်သိမ်းလေးပါ။ အဲဒီအခန်းလေးက တကယ့်ဇာတ်လမ်းအဆုံးကို မရောက်သေးပေမယ့် မင်းသားလေး မိကျောင်းပါးစပ်ထဲမှာ သေနေတာကိုတွေ့တဲ့အချိန်မှာတော့ ချစ်ကြည်ရေးသံအဖွဲ့ဝင်တွေက ဝမ်းသာအားရနဲ့ သူတို့အမြင်ကို ထုတ်ဖော်ပြောပြီး ကောင်းချီးပေးပုံက

“စေ …စေ…ဒီမင်းသား စေတာ နည်းတောင်နည်းသေး… စင်းဘောရှိလယ် စင်းဘော မစီးဘူး စန်မန် ရှိလယ် စန်မန် မစီးဘူး မိကျောင်းစီးတော့ စေမှာပေါ့ “ တဲ့။

သူတို့ခမျာ ဧည့်သည်ပီပီ မြန်မာလိုပြော မြန်မာလိုငို မြန်မာလိုလွမ်းပြသမျှ အောင့်အည်းသည်းခံခဲ့သမျှ ဇာတ်သိမ်းခန်းရောက်တော့မှပဲ သူတို့ရဲ့ အမြင်ကို ရှင်းရှင်းလင်းလင်း ထုတ်ပြောခွင့်ရခဲ့ရှာပါတယ်။

အဲဒီပါးစပ်ရာဇဝင် ပုံပြင်လေးကို ကျွန်မတို့ အိမ်မှာ မကြာခဏကြားရတတ်ပါတယ်။ အဓိကကတော့  မိဘနဲ့ သားသမီးကြား အတွေးအမြင်လွဲတဲ့အခါတိုင်း မိဘစကားနားမထောင်ပဲ စိတ်ထင်ရာလုပ်ပြီး ကျွန်မအကိုတွေ အဆုံးအရှုံးတွေ တွေ့ကြုံတဲ့အချိန်တိုင်းမှာ ဖေဖေက အဲဒီဇာတ်လမ်းကိုပြောပြပြီး သူ့သားတွေကို လှောင်ပြောင်ရီမောလေ့ရှိပါတယ်။

အဲဒီပုံပြင်လေးဆုံးတိုင်းလည်း “မင်းတို့က ရိုးရိုးမကပဲ ယိုးဒယားက ကချင်တဲ့ကောင်တွေ စေ..စေ ..စေတာနည်းတောင်နည်းသေး”လို့ ဟာသနှောပြီး ဖေဖေက သားတွေကိုဆုံးမလေ့ရှိပါတယ်။

မြန်မာမှုမြန်မာ့ဟန် မြန်မာ့ဓလေ့နဲ့ တင်ဆက်တဲ့ ဇာတ်လမ်းတစ်ပုဒ်အပေါ်မှာ တရုတ်ပြည်က သံအဖွဲ့ကတော့ မြန်မာတွေလို လွန်လွန်ကျူးကျူး ခံစားမပြပဲ ဒီဇာတ်လမ်းလေးအပေါ်မြင်တဲ့ သူတို့ အမြင်ကို အားမနာပဲ ထုတ်ပြတော့ ကျွန်မတို့အတွက် ငိုရခက်ရီရခက် ဖြစ်သလိုမျိုး လူတစ်ယောက်နဲ့ တစ်ယောက်ကြား အတွေးအမြင်မတူလို့ သဘောထားကွဲလွဲကြရင် ဘေးလူတွေအနေနဲ့ ပြုံးရရယ်ရ တတ်ပါတယ်။

လူကြီးနဲ့ လူငယ်ရဲ့ အမြင်တွေ
တကယ်မှာတော့ Generation Gap လို့ ပြောထားသလို မျိုးဆက်တစ်ခုနဲ့ တစ်ခုကြားမှာ အတွေးအမြင်တွေ မတူညီလို့ ထိပ်တိုက်ရင်ဆိုင် ဖြေရှင်းနေရတဲ့ ကွဲလွဲမှုပေါင်းများစွာ ရှိခဲ့ပါတယ်။

အခုအချိန်မှာတော့ မျိုးဆက်တစ်ခုကိုတောင်စောင့်စရာမလိုပဲ နေ့ချင်းညချင်း အတွေးအမြင်တွေ လွဲသွားလောက်အောင်ကို ခေတ်ကြီးက ပြောင်းလဲတိုးတက်နေပြန်တာမို့ အမြင်မတူတဲ့ Issue တွေကိုသာ ချရေးရမယ်ဆိုရင်တော့ ရေးလို့ ကုန်နိုင်မယ်မထင်ပါဘူး။

အဲဒီလို မိဘနဲ့သားသမီးကြားက မတူညီတဲ့ အမြင်တွေ Generation Gap တွေကြောင့်လဲ မိဘနဲ့ သားသမီးကြားက လောဂရာသန်ကြီးကျကွဲလို့ လျော်လိုက်ရတယ်ဆိုတဲ့ ရီစရာဇာတ်လမ်းတွေဖြစ်လာခဲ့တာဟာ ငြင်းစရာမရှိပါဘူး။

ကျွန်မကိုယ်တိုင်ရဲ့ အတွေးအမြင်ကို ပြန်ကြည့်ရင်လဲ အလားတူပြဿနာလေးတွေ ရှိခဲ့ဘူးတာကို ပြန်သတိထားမိပါတယ်။ ကျွန်မကိုယ်တိုင်က မေမေ့စကားကို တစ်လုံးမကျန်နားထောင်တတ်တဲ့ သမီးလိမ်မာတစ်ယောက် မဟုတ်ခဲ့ပါဘူး။ မေမေနဲ့ ကျွန်မကြားမှာရှိနေခဲ့တဲ့ Generation Gap ကြောင့် ကျွန်မတို့ နှစ်ယောက် မကြာခဏ အငြင်းအခုန်ဖြစ်ရတတ်ပါတယ်။ အထူးသဖြင့် မိန်းကလေးသဘာဝ ဝတ်စားဆင်ယင်မှု အပိုင်းမှာ မေမေနဲ့ ကျွန်မတို့ ညီအစ်မတွေ သိသိသာသာ သဘောထားကွဲလွဲခဲ့ဘူးတဲ့ အချိန်တွေရှိခဲ့ဘူးပါတယ်။

လူကြီးတွေနဲ့ လူငယ်တွေရဲ့ ညှိနှိုင်းလို့မရတဲ့ အမြင်တွေကြောင့် မိဘနဲ့ သားသမီးကြား ဆရာနဲ့ တပည့်တွေကြားမှာ သဘောထား ကွဲလွဲမှုတွေရှိခဲ့ဘူးသလို အခုချိန်ထိလဲ ရှိနေဆဲပါ နောင်လဲ အဲလိုပဲ ကွဲလွဲနေကြအုံးမှာ သေချာနေပါတယ်။

အရာရာကို မျက်စိတစ်ဆုံးကြည့်တဲ့သူနဲ့ မျက်တောင်တစ်ဆုံးသာကြည့်တဲ့သူရဲ့ အမြင်တွေ
အဲဒီလို ကြည့်တတ်မြင်တတ်သူတွေအကြောင်းကိုလဲ ကျွန်မဖေဖေဆီက ပုံတိုပတ်စတွေ မကြာခဏ ကြားခဲ့ဖူးပါတယ်။

အလုပ်ကို ပြီးစလွယ်လုပ်တတ်ကြတဲ့ ကျွန်မရဲ့ အကိုတွေကို “ မင်းတို့ကို အလုပ်လုပ်ခိုင်းရတာ မိဘုရားရဲ့မောင်ကို ခွေးကြည့်ခိုင်းသလိုပဲ” လို့ ဖေဖေပြောလိုက်တာနဲ့ အဲဒီ မိဖုရားရဲ့မောင်နဲ့ ခွေးသားပေါက်လေးတွေရဲ့ အဖြစ်ကို ပြေးမြင်ပြီး ပြုံးရပါတယ်။

နန်းတော်အောက်မှာ ခွေးသားလေးတွေ ပေါက်နေပြီ သွားကြည့်ချေလို့ ဘုရင်က ခိုင်းတော့ မိဖုရားရဲ့မောင်က အပြေးအလွားသွားကြည့်ပြီး ငါးကောင်တိတိပေါက်ပါတယ်လို့ ပြန်လာပြီးလျှောက်ပါတယ်။ သူက အားလုံးပေါင်း ဘယ်နှစ်ကောင်ဆိုတာကိုပဲကြည့်ခဲ့ပြီး အထီးအမ အရောင်အသွေး ခွဲခြားပြီး မကြည့်ခဲ့ပါဘူး ဘုရင်က တစ်ခါမေးတိုင်း တစ်ခါပြေးကြည့်တတ်တဲ့ မိဖုရားရဲ့ မောင်ဟာ မျက်တောင်တစ်ဆုံးသာ ကြည့်တတ်ပြီး မျက်တောင်တစ်ဆုံးသာ မြင်တတ်တဲ့သူမျိုးပါ။

မျက်စိတစ်ဆုံးကြည့်သူ ငယ်ကျွန်ကြီးကတော့ ခွေးတွေကို တစ်ခါတည်းသွားကြည့်ရုံနဲ့ ခွေးငါးကောင်မှာ အထီး နှစ်ကောင် အမသုံးကောင် အမလေးက အနီရောင်နှစ်ကောင် အမဲရောင်တစ်ကောင် အထီးနှစ်ကောင်ကတော့ အဖြူနှစ်ရောင်တွေပါလို့ သေသေချာချာ ကြည့်ခဲ့ပြီး တိတိကျကျ လျှောက်တင်တတ်တဲ့သူမျိုးဖြစ်ပါတယ်။

လောကကြီးကို ဘောင်ခတ်ပြီး ကြည့်တဲ့သူတွေနဲ့ လောကကြီးကို ပကတိအတိုင်းကြည့်တဲ့သူရဲ့အမြင်တွေ
ဆေးရုံတစ်ရုံက အခန်းကျဉ်းလေးတစ်ခုတည်းမှာ ရောဂါ ဝေဒနာပြင်းစွာ ခံစားနေရတဲ့ လူနာနှစ်ယောက်ရှိပြီး သူတို့ နှစ်ယောက်ရဲ့ မျက်နှာချင်းဆိုင်ထောင့်တစ်နေရာမှာတော့ ပြတင်းပေါက်တစ်ပေါက် ရှိနေခဲ့ပါတယ်။
လောကကြီးကို ဘောင်ခတ်ပြီး ကြည့်ချင်သူ လူနာကတော့ ပြတင်းပေါက်ကို ပြတင်းပေါက်လို့ပဲ မြင်ပြီး
ဘယ်တုန်းကမှ ဖွင့်ကြည့်ဖို့ မကြိုးစားခဲ့ပါဘူး။

အခြားလူနာတစ်ယောက်ကတော့ ပြတင်းပေါက်ကိုဖွင့်လိုက်ရင် စိမ်းလန်းတဲ့ မြက်ခင်းပြင်တွေ မျက်စိတဆုံး မြင်နေရမယ့် နီယွန်မီးတိုင်တွေနဲ့ ကစားကွင်းထဲမှာ ကစားနေကြတဲ့ ကလေးငယ်တွေကို မြင်တွေ့ခွင့်ရဖို့ မျှော်လင့်ထားသလို အခါအခွင့်သင့်ရင်တော့ အဲဒီပြတင်းပေါက်ကို ဖွင့်ကြည့်ဖို့ အမြဲ စဉ်းစားနေခဲ့ပါတယ်။

သူ့အမြင် ကိုယ့်အမြင်
ဒီနေရာလေးမှာတော့ လူပြောများနေတဲ့ နိုင်ငံခြားရောက် မြန်မာမိန်းကလေးတွေ အပေါ် မြင်ကြတဲ့ လူတွေရဲ့ အမြင်ကို ဝမ်းနည်းစွာနဲ့ ပါးပါးလေး ပြောချင်ပါတယ်။

ပတ်ဝန်းကျင်ရဲ့ ရိုက်ခတ်မှုကို မကြာမကြာ မြင်တွေ့ ခံစားနေရတဲ့ မြန်မာမိန်းကလေးတစ်ယောက်ရဲ့ အမြင် ကိုပြောခြင်းဖြစ်တာမို့ အခြားသူတွေကို ထိခိုက်နစ်နာစေလိုတဲ့ ဆန္ဒတော့ မရှိပါဘူး။

မြန်မာမိန်းကလေးတွေ ကောင်းတယ် တော်တယ် ထက်မြက်တယ် ဆိုတဲ့ သတင်းတွေထက် မကောင်းတဲ့ သတင်းတွေကိုသာ မြန်မာသတင်းရပ်ကွက်တွေမှာ မကြာမကြာကြားရတတ်ပါတယ်။

မြန်မာမိန်းကလေးတွေ အကျင့်စာရိတ္တ ပျက်စီးကုန်တယ် ထိန်းမနိုင်သိမ်းမရ ဖြစ်ကုန်တယ် ဆိုတာ နိုင်ငံခြားရောက်မှ ဖြစ်ကုန်တယ်လို့ အခိုင်အမာ ပြောလို့မရပါဘူး။ မြန်မာပြည်တွင်းမှာလဲ ပြောရခက်လောက်အောင် ဆိုးရွားနေတဲ့ အဖြစ်တွေ ရှိနေနိုင်ပါသေးတယ်။

လူတစ်ယောက်ရဲ့ ကိုယ်ပိုင်ဗီဇဆိုတာ မွေးရာပါ ဖြစ်လာတာမို့ ပတ်ဝန်းကျင်ရဲ့ လှုံ့ဆော်မှုကြောင့် ဖြစ်ရတယ်ဆိုရင်တောင် ရာနှုန်းပြည့်တော့ မဖြစ်နိုင်ပါဘူး။
ဒါပေမယ့် ပတ်ဝန်းကျင်ရဲ့ အရောင်ပြောင်းခြင်းကို ခံလိုက်ရတဲ့ မိန်းကလေးတွေ ရှိနေတာကိုတော့
မငြင်းလိုပါဘူး။

အကြောင်းအမျိုးမျိုးကြောင့် ပြည်ပကိုရောက်နေပေမယ့် ပတ်ဝန်းကျင်ရဲ့ လှုံ့ဆော်မှုကို ကြံ့ကြံ့ခံနိုင်တဲ့ အမျိုးကောင်းသမီးလေးတွေ အများကြီး ရှိနေပါတယ်။.... ရာနှုန်းပြည့်နီးပါး ရှိနေပါတယ်။ အများသူငါတွေ ပြောနေကြသလို မဆိုးရွားကြပါဘူး။

အချို့အချို့သော မိန်းကလေးများရဲ့ လွတ်လပ်မှုကို အလွဲသုံးစားလုပ်မှုတွေကြောင့်သာ မိန်းမကောင်းလေးတွေအားလုံး အထင်အမြင်လွဲခံရတာကတော့ ဝမ်းနည်းစရာကောင်းပါတယ်။

ဆွမ်းဆန်ထဲမှာ ကြွက်ချေးတွေရောနေခဲ့တယ်.... ငါးခုံးမက တစ်ကောင်တည်း ပုတ်ခဲ့တာပါ... တလှေလုံးတော့ မပုတ်ခဲ့ပါလို့ ပြောင်းလဲပြီး မြင်ပေးနိုင်ကြရင်တော့ အကောင်းဆုံးဖြစ်မယ်လို့ ယုံကြည်မိပါတယ်။

လောကကြီးမှာ အကောင်းနဲ့ အဆိုးဟာ အမြဲဒွန်တွဲနေတာမို့ တကယ်လို့ ပြောစရာ ဖြစ်လောက်အောင်များ ဆိုးရွားနေတာကို တွေ့ခဲ့ရင်တောင်....

ဖန်ခွက်ထဲက ရေလို တစ်ဝက်ပြည့်နေတယ်လို့ မြင်ပေးဖို့ မပြောဝံ့ပါဘူး...

ဒါပေမယ့် မိဖုးရားမောင် ခွေးကြည့်သလို မျက်တောင်တစ်ဆုံးမကြည့်ပဲ
ငယ်ကျွန်ကြီးလို မျက်စိတစ်ဆုံးထိ ကြည့်ပြီးမှသာ ဝေဖန်ကြည့်ပါလို့ ......

အခြားအခြားသော မတူညီနိုင်တဲ့ အမြင်တွေကတော့ ပြောရင်ဆုံးနိုင်မယ်မထင်ပါဘူး။ ဒီလောက်ဆိုရင်တော့ ကိုဇော် ကျေနပ်နိုင်မယ်လို့ ထင်ပါတယ်။

အခုလို သတိတရတဲ့ Tag တဲ့အတွက် စိတ်ရှည်လက်ရှည် စောင့်တဲ့အတွက်လဲ ကိုဇော့်ကို ကျေးဇူးတင်ပါတယ်။

တကယ်လို့များ ကမ္ဘာကြီးပျက်ခဲ့မယ် ဆိုရင်ပေါ့ ( မပျက်ဘူးဆိုတာကိုတော့ ၁၀၀ % ယုံကြည်နေပါတယ်)

ဒီကိစ္စက ခုတလော လူပြောများနေတဲ့ကိစ္စလေးလေ... ကိုယ်လဲခေတ်မီအောင်လို့ ခဏလောက်တော့ ကမ္ဘာပျက်ကြည့်မယ်နော်... ( ကိုအောင်သာငယ် က တက်ဂ်ထားတယ်ဆိုတော့လဲ စိတ်ကူးယဉ်ကြည့်တာပေါ့)

တကယ်မှာတော့ ကမ္ဘာကြီးပျက်မယ့်အရေးကို တွေးပြီရင်းပူနေမိတာ အမှန်ပါ။ ဒါပေမယ့် ကမ္ဘာ မပျက်ခင် အကြောင်းအမျိုးမျိုးကြောင့် ကိုယ်သေဆုံးခဲ့ရင်တော့ ကမ္ဘာပျက်တာကိုတောင် မြင်ခွင့်သိခွင့်ရမှာ မဟုတ်ပါဘူး… ကွေးသောလက် မဆန့်ခင် ဆိုတာလေးကို အမြဲစဉ်းစားနေမိတယ်။ အတွေ့အကြုံတစ်ခုအနေနဲ့ ကမ္ဘာပျက်တာကို မြင်ခွင့်ရမယ်ဆိုရင် ကိုယ်ဟာ ကုသိုလ်ထူးလို့ပေါ့။

၁။ဘယ်သူတွေနဲ့ရှိနေချင်ပါလိမ့်..
မိသားစုနဲ့ပေါ့ အထူးသဖြင့်တူလေးတွေအနားမှာ ရှိနေချင်တယ်..ဘာမှနားမလည်သေးတဲ့ ကလေးတွေ ကြောက်နေမှာစိုးတယ် ကလေးတွေကို မကြောက်အောင် အာရုံပြောင်းထားမယ်…
နောက်ဆုံးအချိန်ထိ ကလေးတွေနဲ့ ဆော့နေမယ်… မိဘတွေကို အားပေးနေမယ် အာရုံပြောင်းပေးဖို့ကြိုးစားမယ်…..

ကိုယ့်ကမ္ဘာမှာ ပထမက မိဘ ဒုတိယက သြချစ်ဘုန်းမိုရ်( အချစ်ဆုံးတူလေး)ပါ အဲဒီအတွက် သူငယ်ချင်းတွေက ကိုယ့်ကို မကြာခဏ စကားနာထိုးတတ်ကြတယ်… သားသြချစ်ကို အရမ်းချစ်လွန်းလို့တဲ့…
တတိယနေရာမှာတော့ လူတစ်ယောက်ရှိမယ်ထင်တယ်… (တတိယ တစ်ယောက်ကတော့ ကမ္ဘာပျက်မယ့်နေ့မှာ ကိုယ့်အနားမှာ နေချင်တဲ့ ဆန္ဒရှိမရှိ မသေချာသေးတာမို့ မေးကြည့်ရအုံးမယ်..)

၂။ဘာတွေခံစားနေရမလဲမသိဘူးနော်..
မိသားစုတွေ စုစုစည်းစည်းရှိနေမယ်ဆိုရင်တော့ နောက်ဆုံးအချိန်ထိ မိသားစုရဲ့ မေတ္တာ သံယောဇဉ်တွေကို ခံစားပြီး ပျော်ရွှင်နေမိမှာပါ။

မိသားစုဆိုတာက စိတ်နဲ့ စိတ်ဓါတ်တွေ ပေါင်းစုထားတဲ့နေရာလေ အဲဒီစိတ်ဓါတ်တွေကပဲ ကောင်းမွေ ဆိုးမွေတွေကို ခံစားပြီး နောက်ဆုံးအချိန်ထိ နားလည်မှုတွေနဲ့ ရင်ဆိုင်နိုင်တဲ့ သတ္တိကိုပေးမှာပါ။

သေရမှာမကြောက်သလို ဆုံးရှုံးမှုတွေအတွက်လဲ ဝမ်းနည်းနေမှာမဟုတ်ပါဘူး… လူတစ်ယောက်ဖြစ်နေတဲ့အတွက် နောက်ဆုံးနေ့ကို ရင်ဆိုင်ရမှာ ဓမ္မတာပါ အဲဒီအတွက် နောင်တတွေ ကြောက်စိတ်တွေ မရှိလောက်ပါဘူး။

၃။ပြင်ဆင်ထားချင်တာတွေကဒါလေးတွေပေါ့
အချိန်မီ မိသားစုဆီပြန်နိုင်ဖို့ လေယာဉ်လက်မှတ်တစ်စောင်
အဲဒီနေ့အတွက် ချစ်တဲ့ တူကလေးတွေအတွက် ချောကလက်တချို့ အိုဗာတင်း နဲ့ ကစားစရာတွေ မိဘတွေအတွက် ကော်ဖီတွေ…. မောင်နှမတွေအတွက် အအေးပုလင်းတွေ..

ပြီးတော့မိသားစုတစ်စုလုံးအတွက် လုံလောက်မယ့် အိပ်ဆေးတွေ (ဘယ်တော့မှ ပြန်မနိုးမယ့် အိပ်ဆေးတွေပေါ့)
ကမ္ဘာပေါ်က နောက်ဆုံးသတင်းတွေရဖို့အတွက် ရေဒီယိုတစ်လုံး ဒါမှမဟုတ် အင်တာနက်လိုင်းတစ်ခု....

ဒါမှ နောက်ဆုံးအချိန်ဆိုတာ သေချာပီဆိုရင် ကလေးတွေကို အိုဗာတင်းထဲမှာ အိပ်ဆေးထည့်တိုက် မိဘတွေကိုက အိပ်ဆေးတွေပါတဲ့ကော်ဖီ မောင်နှမတွေအတွက်လဲ အအေးပေါ့…..

သူတို့ကို ကြောက်ရွံ့ထိတ်လန့်ခြင်း ဝမ်းနည်းခြင်း ပူဆွေးသောကတွေမခံစားစေပဲ အသက်သာဆုံးနည်းနဲ့ လောကကြီးက ထွက်ခွာသွားစေချင်တဲ့ ဆန္ဒရှိပါတယ်…..
ကိုယ်တိုင်ကတော့ သူတို့အားလုံး မရှိတော့ဘူးဆိုတာသေချာမှ အဲဒီအိပ်ဆေးသောက်မယ်လို့ စဉ်းစားထားပါတယ် မိသားစုကို စိတ်မချဘူးလေ… ( မကိဆီမှာ ဆေးကြိုမှာထားရမယ်ထင်ပါရဲ့)

၎။ဝမ်းနည်းမိမှာလားဆိုတော့
ဝမ်းနည်းစရာတွေ မရှိစေဘို့ တင်နေတဲ့ မေတ္တာကြွေးတွေ သံယောဇဉ်ကြွေးတွေကို အခုကတည်းက ဆပ်ဖို့ကြိုးစားနေပါတယ်။ ကိုယ့်ကိုချစ်သော ကိုယ်ကချစ်သော လူသားအားလုံးအပေါ်မှာ အကောင်းဆုံးအရာတွေ ပေးထားခဲ့မှာပါ…
မေတ္တာငတ်နေတဲ့သူတွေကို မေတ္တာပေးခဲ့မယ် စိတ်ဓါတ်ခွန်အားလိုနေတဲ့သူတွေကို ခွန်အားဖြည့်ပေးခဲ့မယ်….

နောင်တနဲ့အတူ ဝမ်းနည်းနေရမယ့် အဖြစ်တွေက ဝေးအောင် အခုကတည်းက အကြွေးတွေ ဆပ်နေပါတယ်….
ဒီတော့ အဲဒီအချိန်မှာ ဝမ်းနည်းမိမှာ မဟုတ်ပါဘူး… သေချာပါတယ်……
(အခုတော့ သံယောဇဉ်ရပ်ဝန်းတစ်ခုကို သတိရနေမိတာမို့ သံယောဇဉ်ရပ်ဝန်းက လူတစ်ချို့ကို ရှာဖွေနေပါတယ် … ခက်တာက သူတို့က Face Book မှာလဲမရှိဘူး G-talk မှာလဲ မရှိကြဘူး အွန်လိုင်းကို လုံးဝမသုံးတဲ့လူတချို့ပေါ့)

၅။ကြောက်လန့်မိမယ်ထင်ပါသလား..
အင်း နောက်ဆုံးအချိန်အတွက် ကိုယ်လိုချင်တဲ့ အရာတွေရှိနေမယ်ဆိုရင် ကြောက်စရာမရှိလောက်ဘူးထင်ပါရဲ့…

၆။ကိုယ်နဲ့အတူ..ဆောင်ထားချင်တာ…ရှိနေချင်တာက..
လောကဓံကို သတ္တရှိရှိ ခံနိုင်မယ့် စိတ်ခွန်အား..( လူတစ်ချို့က အဲလိုအဖြစ်မျိုးနဲ့ ရင်ဆိုင် ကြုံတွေ့တဲ့အချိန်တွေမှာ သွေးပျက်သွားတတ်ကြတယ်လို့ ကြားဘူးထားလို့ပါ။ ကိုယ်ကိုယ်တိုင်လဲ ခံနိုင်ရည် အဆင့် ဘယ်လောက်အထိရှိမလဲ ဆိုတာ မှန်းဆလို့မရနိုင်ပါဘူး…)
ကမ္ဘာမီးလောင် သားကောင်ချနင်း ဆိုတဲ့စကားပုံအတိုင်း သားကောင်တွေချနင်းရဲဖို့ထက် ကိုယ်ကိုယ်တိုင် သားကောင်အဖြစ် အနင်းခံနိုင်ဖို့လဲ ခွန်အားအချို့ ရှိနေချင်ပါတယ်။

၇။ဘာတွေရေးမိမလဲမသိဘူးနော်..
အဲဒီအချိန်မှာတော့ ကဗျာတွေစာတွေထက် တူလေးတွေ ကို အာရုံပြောင်းပေးဖို့ ပုံတွေဆွဲပြနေချင်တယ်… ကလေးတွေအတွက် ဝလုံးတွေ ကူရေးပေးဖြစ်မယ်ထင်တယ်…..

ဂ။ဘာတွေများတွေးနေမိမလဲ
ကလေးတွေနဲ့ အလုပ်ရှုပ်နေခဲ့ရင်တော့ တောင်တာင်အီအီ တွေးနေဖို့ အချိန်မရလောက်ဘူးထင်ပါရဲ့။

၉။ဒီလိုအချိန်မှာ ဒီလို ဂုဏ်ယူချင်သေးတယ်
မိသားစုအတွက် ကိုယ့်ဘဝတစ်ခု ဖြစ်တည်ခဲ့ဘူးတယ်။
မိဘတွေအတွက် သိတတ်တဲ့ သမီးကောင်းတစ်ယောက် ဖြစ်ခဲ့တယ်…
မောင်နှမတွေအတွက် လိမ္မာတဲ့ ညီမတစ်ယောက် အဖြစ် ရှိခဲ့ဘူးတယ်.. သူငယ်ချင်းမိတ်ဆွေတွေအားလုံးအတွက် မိတ်ဆွေကောင်းတစ်ယောက် ဖြစ်ခဲ့ဘူးတယ်…..
ချစ်ခဲ့ဘူးတဲ့ လူတစ်ယောက်အတွက် ( တစ်ယောက်ထက်လဲ ပိုနိုင်ပါတယ်) တာဝန်ကျေတဲ့ လက်တွဲဖော်ဖြစ်ခဲ့ဘူးတယ်…
တူလေးတွေအတွက် သံယောဇဉ်ကြီးလွန်းတဲ့ အန်တီလေးတစ်ယောက် ဖြစ်ခဲ့ဘူးတယ် ..
ကိုယ့်ကို မုန်းတီးခဲ့တဲ့လူတွေအတွက်တော့ အမှတ်ရစရာ လူတစ်ယောက် ဖြစ်ခဲ့ဘူးတယ်..(လူချစ်ခံရတာ မဆန်းသလိုပဲလူမုန်းခံရတာလဲသိပ်မဆန်းပါဘူး)

၁၀။ ရှာကြံပြီးဖြေသိမ့်လိုက်ပါ့မယ်
အင်း…. လူပီသတဲ့လူတစ်ယောက် ဖြစ်ခဲ့တယ် ထင်ပါရဲ့……

(ကိုယ်နဲ့အတူ မြန်မာပြည်က သန်းပေါင်း ၆၀သော ပြည်သူတွေကို မျက်စိတွေနားတွေ ပိတ်ထားခဲ့တဲ့ အန်ကယ်ကြီးတွေလဲ သေတာပဲလေ… ခုချိန်မှာတော့ အာဏာတွေ ပါဝါတွေက ဒဏ္ဏာရီ ပုံပြင်လိုပါပဲလား…..)

အိုဘာမားနဲ့အတူ ဘဲလီဇဘက်ဘုရင်မကြီးနဲ့အတူ လေးစားအားကျရတဲ့ ဆရာမဂျူးနဲ့အတူတူ ဟောလီးဝုဒ် စတားတွေနဲ့အတူ တစ်ရက်တည်းသေခွင့်ရတာ နည်းတဲ့ကုသိုလ်လား…းးး))))

၁၁။ကျူးရင့်ချင်တဲ့ ဥဒါန်း
ကမ္ဘာဦးအစကိုမကြုံဘူးပေမယ့်ကမ္ဘာပျက်တာကိုတော့ကြုံဘူးတယ်….
နောက်ဆုံးကမ္ဘာက ကံထူးသူ သန်းပေါင်းခြောက်ထောင်မှာ ငါလဲ တစ်ယောက် အပါအဝင်ပေါ့……..
(ကြုံတောင့်ကြုံခဲ ဒီလိုအဖြစ်အပျက်တွေကို မျက်ဝါးထင်ထင်ကြုံတွေ့ရတာ ကုသိုလ်ထူးလွန်းလို့နော်…)

၁၂။ မှာချင်တဲ့မှာတမ်း…
တကယ်လို့များ ကိုယ်တို့အိပ်မောကျနေချိန်မှာ ကမ္ဘာမပျက်တော့ဘူး ( ဆူနာမီနဲ့မှားတာပါ..)ဆိုရင် ကိုယ့်ကို ပြန်နှိုးဖို့ မမေ့ကြပါနဲ့… ( မကိနဲ့တကွ ဘလော့မိတ်ဆွေများအားလုံးကို မှာချင်ပါတယ်)….
တခါတလေမှာ ကိုယ်တွေရထားတဲ့ သတင်းတွေက မှားတတ်တယ်လေ မြန်မာ့အသံလို တော့ မလုပ်နဲ့နော်…
ကမ္ဘာလောကကြီးက ဆန်းကြယ်တယ်လေ တခါတလေ ဘာမှမဟုတ်ပဲနဲ့ အံ့သြထိတ်လန့်စရာ အတွေ့အကြုံတွေကို ပေးတာကိုး...

ဒီတစ်ခါ အလှည့်ကျ တက်ဂ်ရမယ့်သူတွေကတော့

ဘလော့ဂါအသစ်စက်စက်လေး အညတြ
Singapore ITB ပွဲမှာ အလုပ်တွေရှုပ်နေတဲ့ ညီညီ(ပြည်)
အခန်းဖော်အကြာင်း တိတ်တိတ်လေးလာမေးနေတဲ့ ကိုရဲ
On the Way ရန်ကုန်- ဒူဘိုင်းလေယာဉ်ပေါ်မှာ ငိုက်နေတဲ့ လတ်လတ်ဇော်
အွန်လိုင်းမှာနော်ခမ်းကိုမျှော်နေတဲ့ မငုံ
သမီးကြီး အိန်ဂျယ် ကတော့ နှစ်ထပ်ကွန်း တက်ဂ်ခံရခြင်းပေါ့
ဂျပန်ပြည်က မိုမိဂျိ
ငြိမ်ချက်သားကောင်းနေတဲ့ ဇီဇဝါ
မမသီရိ
အပျင်းထူနေတဲ့ သမီးပျို
အသံတိတ်နေတဲ့ မယ်မဒီ
ချစ်သော အမရာ
အမရာရဲ့ အိုင်လွယ်ပန်
အကြာကြီးပျောက်နေတဲ့ ကိုသားကြီး
စာကျက်ချင်ယောင်ဆောင်နေတဲ့ ကိုကိုမောင်
ခုတလော ပေါ်မလာတဲ့ မိုးစက်အိမ်
ဓါးသွေးနေတဲ့ ကိုနေစိုးနိုင်
ဇာတ်ပွဲကန်ထရိုက်ကြီး ကိုမြစ်ကျိုးအင်း
တစ်နေ့တစ်ပုဒ် မရိုးရအောင် ပုံမှန်ရေးနေတဲ့ ကိုပီတာ
ခေတ္တရန်ကုန်ရောက် ကိုချမ်း
ကွန်ပျူတာဆေးရုံတင်ထားတယ်ဆိုတဲ့ ကိုကြယ်(လင်းကြယ်ဖြူ)
ကိုယုယ
မတက်ဂ်စဖူး တက်ရမယ့်ဘလော့ဂါက ကိုဖိုးစိန်
ဒေါက်တာလေး သက်တန့်ချို
ကော့သောင်းသားလေး
ဘလော့ဂါမဟုတ်တဲ့ အကိုတော် ဘရိုင်ရန်ဘုန်းနိုင် (သူက ဒီကိစ္စကို အသည်းအသန် စိတ်ဝင်စားနေတာ)

အဲတော့ ( ၂၆) ယောက်တိတိ အချိန်ရမယ်ဆိုရင် ချစ်တယ် ခင်တယ်ဆိုရင် ရေးပေးစေချင်ပါသေးတယ်...

ချစ်ညီမလေး နှင်းဟေမာက ဆိုညည်းတတ်တဲ့ သီချင်းလေးတွေ အကြောင်းရေးပေးဖို့ တက်ဂ်ထားပါတယ်......
သတိတရနဲ့ တက်ဂ်လာတဲ့ ညီမလေးကို အထူးကျေးဇူးတင်ပါတယ်။
အခုတလော ကျန်းမာရေးက တော်တော် ချူချာနေတာမို့ ဘာစာမှမရေးဖြစ်ပါဘူး။
နှင်းရဲ့ တက်ဂ်ကြွေးကိုလဲ အခုမှဆပ်ရပါတယ်။

ညီမလေးနှင်းက ဆိုညည်းဖြစ်တဲ့ သီချင်းလေးတွေလို့ ပြောပေမယ့် ပါရမီရှင် နှင်းနဲ့မာယာက သီချင်းမညည်းတတ်တဲ့ သူဆိုတော့ ရေးရမှာ နည်းနည်းတော့ ခက်နေပါတယ်...

သီချင်းနားထောင်ရတာကို အရမ်းနှစ်သက်ပေမယ့် သီချင်းတော့ တစ်ခါမှ မဆိုခဲ့ပါဘူး...
အိမ်မှာ ဘယ်သူမှမရှိရင်တော့ တခါတရံ သီချင်းညည်းဖြစ်ပါတယ်....

ဒါကလဲ ပါးစပ်ထဲရှိတဲ့ သီချင်းကို သံစဉ်တလွဲတွေနဲ့ ကီးတခြား သီချင်းတခြား အော်ဖြစ်တာမျိုးပါ... သီချင်း အော်ဖြစ်တယ်လို့ ပြောရင်ပိုမှန်ပါမယ်...
ဆိုပုံဆိုနည်းကလဲ ကဗျာရွတ်တဲ့ ပုံစံမျိုးဆိုတော့ သီချင်းညည်းတာမျိုးတော့ မဟုတ်လောက်ဘူးလို့ ထင်ပါတယ်....

သီချင်းတစ်ပုဒ်ကို ဖြစ်ဖြစ်မြောက်မြောက် ညည်းဖို့ ဆိုဖို့ ကြိုးစားပေမယ့် တခါမှ မအောင်မြင်ခဲ့တာ ကိုယ်တိုင်က ပါရမီ အရမ်းကောင်းနေလို့ဖြစ်ပါလိမ့်မယ်...
( ဒီနေရာမှာတော့ ညီမတော် Angelshaper နဲ့တော်တော်ကွာပါတယ်... ညီမတော်က ပါရမီရှင်ဆိုတော့ ဒူဘိုင်းဘလော့ဂါတွေပေးတဲ့ မိုက်ခဲဘွဲ့ကို ရထားတာ မဆန်းပါဘူး.... )

ဒုတိယနှစ်တက်တုန်းကတော့ သူငယ်ချင်းတစ်ယာက်က အားပေးခဲ့ဘူးပါတယ်....
ချောင်းဆိုးတာကို ကီးဝင်အောင်ဆိုးကြည့်ပါတဲ့ သီချင်းဆိုလို့ရသွားမယ် အာမခံတယ်တဲ့.....
ကိုယ်က ချောင်းဆိုးတာတောင် ကီးဝင်အောင် မဆိုးနိုင်တဲ့သူ ဆိုတော့ သူငယ်ချင်းတွေကြားမှာ မျက်နှာငယ်ရတဲ့ အကြိမ်ပေါင်းလဲ မနည်းပါဘူး။။

YUFL တက်နေတုန်းကတော့ သူငယ်ချင်းတွေ ကာရာအိုကေသွားမယ်ဆိုရင် အမြဲတမ်း မျက်ခုံးလှုပ်ရပါတယ်။။
ကိုယ့်မှာက သီချင်းကို ဖြောင့်အောင်မဆိုနိုင်တဲ့ မဟာအားနည်းချက်ကြီးက ရှိနေတာကိုး...
ဒါပေမယ့် ကြိုးစားပန်းစားနဲ့ ကာရာအိုကေမှာ ဆိုခဲ့ဘူးတဲ့ သီချင်းတစ်ပုဒ်တိတိ ရှိခဲ့ဖူးပါတယ်.... အဲဒီအချိန်တုန်းက သီချင်းမဆိုတတ်တာကို သူငယ်ချင်းတွေကို အသိမပေးပဲ ခပ်တည်တည်နဲ့ အော်ခဲ့တာမို့ ကိုယ်ညံ့တာသူငယ်ချင်းတွေ မသိခဲ့ကြပါဘူး....

ကဗျာဘွဲ့မှုးရဲ့ တခါတလေတော့လည်း သီချင်းလေးပါ...
အခုချိန်ထိလဲ တခါတရံညည်းဖြစ်ပါတယ်...




ကာရာအိုကေမှာ မဟုတ်ပဲ ဆိုခဲ့ဘူးတဲ့ အခြား သီချင်းတစ်ပုဒ်လဲရှိပါသေးတယ်....
ဆယ်တန်းတက်တုန်းက ဂီတချိန်မှာ ဆရာမ သင်ပေးခဲ့တဲ့ သီချင်းလေးပါ...
မြမန်းဂီရိ ကြိုးလား ဘုန်းတော်ဘွဲ့ ပတ်ပျိုးလားတော့ သေချာမသိပါဘူး။။
ဆိုလို့တော့ အရမ်းကောင်းပါတယ်....
တစ်ပတ်တခါ ဂီတအတန်းမှာ မဖြစ်မနေဆိုရတာမို့ ဆရာမတွေနဲ့ လိုက်ဆိုရင်းနဲ့ ဆိုတတ်သွားတဲ့ သီချင်းကြီးတစ်ပုဒ်ပါ....

မြမန်းဂီရိ သေလာတောင် နန်းတည်ထောင် ဘုန်းရောင်နေသို့လင်း
နောင်ညီကို ရွှေဘိုနွယ်တော်ရင်း.... ရာဆူဆူ ပြည်သူခဝပ်စင်း.....
ရွှေဘုန်းတော် နှုန်းလျှော်စံပျော်ခင်း တေဇာ တိုးလို့ဖြိုးဝေ
မန်းဌာနေ အောင်ဇေယျာပြည့်မင်း.....

အခုနောက်ပိုင်းမှာတော့ သီချင်းမှန်ရင် ကလေးတွေနားထောင်တဲ့ သီချင်းကစလို့ ခေတ်သီချင်းတွေအလယ် ရှေးသီချင်းတွေအဆုံး တွေ့သမျှသီချင်းတွေ အကုန်လုံးကို သေသေချာချာ ခံစားပြီးနားထောင်ပါတယ်....

အရမ်းကြိုက်တဲ့ သီချင်းတွေလဲ ရှိပါတယ် ရှင်ဘုန်း ဆုန်သင်းပါရ် တို့ရဲ့ သီချင်းလေးတွေကိုလဲ ကြိုက်ပါတယ်..

ရှင်ဘုန်းရဲ့ ဒီသီချင်းလေးကို အရမ်းကြိုက်တယ်..... အိမ်မှာ သူငယ်ချင်းတွေ မရှိတဲ့အချိန်မှာတော့ အော်ဆိုဖြစ်ပါတယ်...





ပြီးတော့ နောက်တစ်ပုဒ်ကလဲ ရှင်ဘုန်းရဲ့ သီချင်းလေးပါပဲ




ဆုန်သင်းပါရဲ့ ဒီသီချင်းလေးကိုလဲ အရမ်းနှစ်သက်ပါတယ်... အကြင်နာစစ်ရင် တဲ့



အမျိုးသားအဆိုတော်တွေထဲမှာတော့ ခင်ဝမ်း ခင်မောင်တိုး စိုင်းထီးဆိုင် ဝိုင်ဝိုင်း ထူးအိမ်သင် ဘိုဘို လေးဖြူ ကျားပေါက် အီတိုး စိုင်းစိုင်း အကုန်လုံးနီးပါး နားထောင်ဖြစ်ပါတယ်...
စိတ်ကူးရရင်လဲ လိုက်အော်တတ်ပါသေးတယ်...

ညီမလေး နှင်းဟေမာရေ ကျေးဇူးပါပဲနော်...

အခုလောလောဆယ်တော့ အခန်းဖော်ဆိုတဲ့ ဝတ္တုတိုလေးတစ်ပုဒ်ရေးနေပါတယ်....
ကျန်းမာရေးအခြေအနေအရ ကြိုးစားပြီး ဆက်ရေးနေပါတယ်...
စာမရေးဖြစ်တဲ့ အချိန်တွေမှာ ဘလော့မှာ လာအားပေးကြတဲ့ သူငယ်ချင်းလေးတွေ စာလာဖတ်ကြတဲ့ မိတ်ဆွေတွေကို အရမ်းကျေးဇူးတင်ပါတယ်...