ဧပြီလ ၁ ရက်နေ့မှာ ကျရောက်တဲ့ April Fool’s Day ကတော့ ဟောလိုး ဝင်းဒေးလို၊ ဗယ်လင်တိုင်းဒေးလို မြန်မာတွေ နဲ့ ရင်းနှီး ကျွမ်းဝင် နေ ပြီ ဖြစ်တဲ့ ပြက္ခဒိန် ထဲ က နေ့လေး တစ်နေ့ပါပဲ။

နိုင်ငံတကာ မှာတော့ ချစ်သူများနေ့မှာ ချစ်သူခင်သူတွေ အတွက် အမှတ် တရ လက်ဆောင် ဝယ်ပေးတဲ့ ဓလေ့တွေ ဟောလိုးဝင်းဒေးမှာ မျက်နှာဖုံး ကာဗာတွေတပ် ထူးခြား ဆန်းပြားတဲ့ အဝတ်အစားမျိုးစုံ ဝတ်ပြီး သကြား လုံး ဝေကြတဲ့ ဓလေ့လေးတွေ ရှိကြပါတယ်။ ဒါပေမဲ့ April Fool’s Day နေ့မှာတော့ ထူးထူးခြားခြား လက်ဆောင် ပေးစရာ ဆန်းဆန်းပြားပြား ဝတ်စားဆင်ယင်စရာ မရှိပါဘူး။

ကမ္ဘာ တစ်ဝန်းလုံး မှာ April Fool နေ့ကို ကျင်းပလေ့ ရှိကြပေမယ့် တရား ဝင် ရုံးပိတ်ရက် ရယ်လို့ တသီးတခြား သတ်မှတ် ထားတာမျိုး မရှိပါဘူး။ ဧပြီလ ၁ ရက် နေ့မှာ တစ်နေ့ လုံး လိုလို ပျော်စရာ ရွှင်စရာ ရယ်မော စရာတွေ ကောလာဟလ နောက်ပြောင် ပြက်လုံးတွေ နဲ့ April Fool နေ့လေး ကို ပျော်ရွှင်စွာ ဆင်နွှဲ ကြ တဲ့ ထုံးစံလေးပဲ ရှိပါ တယ်။

April Fool နေ့လေး ဖြစ်လာရခြင်း ရဲ့ နောက်ခံ သမိုင်းကြောင်းတွေ ကတော့ တစ်နေရာနဲ့ တစ်နေရာ မတူကြပါဘူး။ အများအားဖြင့်တော့ ပါးစပ် ရာဇဝင်တွေ သာ ဖြစ်တယ်လို့ ဆိုလို့ရပါ တယ်။

ဘော်စတွန် တက္ကသိုလ်က သမိုင်းပါမောက္ခ ဂျိုးဇက်ဘော်စကင် ကတော့ ပထမရောမ အင်ပါယာကို စတင်တည်ထောင်တဲ့ အချိန်ကတည်းက April Fool လုပ်တဲ့ ဓလေ့ ရှိခဲ့တယ်လို့ ဆိုပါတယ်။ အဲဒီ အချိန်တုန်းက ပညာရှိ သုခမိန်တွေ နဲ့ ဘုရင့် ပျော်တော်ဆက် တွေက ရောမ ပြည့်ရှင် ကို သူတို့ ကသာ တိုင်းပြည် ကို ပိုမို တိုး တက် ကောင်းမွန်အောင် အုပ်ချုပ်နိုင် ပါတယ် လို့ လျှောက်တင် ပြောဆိုကြ တာကြောင့် ရောမပြည့်ရှင်က ကူဂယ်လ်လို့ အမည် ရတဲ့ ပညာရှိ အမတ်ကို တိုင်းပြည်ကို တစ်ရက် တိတိ အုပ်ချုပ်စေ ခဲ့တယ်လို့ ဆိုပါတယ်။ ကူဂယ်လ်ဟာ သူ အုပ်ချုပ်ခွင့် ရတဲ့တစ်ရက်မှာ ရယ်စရာကောင်း တဲ့ အမိန့်တွေ ထုတ်ပြန်ခဲ့တာမို့ အဲဒီဓလေ့ဟာ ပထမရောမ အင်ပါယာမှာ ထုံးစံတစ်ခု ဖြစ်လာခဲ့ တယ်လို့ ဆိုပါတယ်။

ရှေးဟောင်း ယဉ်ကျေးမှုအရ ဧပြီလ ၁ ရက်နေ့ဟာ ရှေးခေတ် ရောမတွေနဲ့ ဟိန္ဒူတွေ နှစ်သစ်ကူးပွဲ ကျင်းပတဲ့ နေ့တစ်နေ့လို့ ဆိုကြပါတယ်။

အလယ်ခေတ် အေဒီ (၁၁ဝဝ-၁၄ဝဝ) မှာတော့ ဥရောပတိုက်မှာ နွေဦးကို ကြိုတဲ့နှစ်သစ်ကူးပွဲကို မတ်လ၂၅ ရက်နေ့မှာ ပြောင်းလဲ ကျင်းပခဲ့ပြန် ပါတယ်။ ၁၅၈၂ မှာတော့ အဋ္ဌမမြောက် ပုပ်ရဟန်း မင်းကြီး ဂရီဂိုရီ ဟာ ရှေးဟောင်း ဂျူလီယန် ပြက္ခဒိန် ကို ပြက္ခဒိန် အသစ်နဲ့ အစားထိုး လိုက်ပြီး နှစ်သစ်ကူးတဲ့ နေ့ကို ဇန်နဝါရီ ၁ ရက်နေ့မှာ ကျင်းပ ဖို့ ပြောင်း လဲ သတ်မှတ်ခဲ့ပါတယ်။ အဋ္ဌမမြောက် ပုပ် ရဟန်းမင်းကြီး ဂရီဂိုရီ ပြောင်းလဲ သတ်မှတ်ခဲ့တဲ့ ပြက္ခဒိန် သစ်ကိုတော့ ဂရီဂိုရီယန် ပြက္ခဒိန်လို့ သတ်မှတ်ခေါ်ဆိုခဲ့ကြပါတယ်။

ဥရောပ တစ်ခွင်မှာ အသစ်ပြောင်းလဲ သတ်မှတ်လိုက်တဲ့ ပြက္ခဒိန်ကို လက်ခံသူတွေ ရှိကြသလို လက်မခံသူတွေလည်း ရှိခဲ့ပါတယ်။ ပြက္ခဒိန် အသစ် ပြောင်းလဲ ခဲ့ပေ မယ့် တချို့ ကတော့ ဧပြီလ ၁ ရက် နေ့ကို နှစ်သစ် ကူးနေ့ အဖြစ် ဆက်လက် ကျင်းပခဲ့ကြပါတယ်။ ယုံတမ်း စကားတွေ အရတော့ ပြက္ခဒိန် ပြောင်းလိုက်တာကို မသိ လိုက်ကြတဲ့ ကျေးလက် က လူတွေက နှစ်သစ်ကူးပွဲကို ဧပြီလ ၁ ရက်နေ့မှာပဲ အစဉ်အလာ မပျက် ဆက်လက်ပြီး ကျင်းပခဲ့ကြ တယ်လို့ ဆိုကြပါတယ်။

နောက်ပိုင်း မှာတော့ ဧပြီ ၁ ရက်နေ့ ရောက် တိုင်း ပျော်စရာရွှင် စရာ နောက်ပြောင် ကျီစယ်တဲ့ ဓလေ့ဟာ ဥရောပ တိုက်မှာ စပြီးထွန်းကားခဲ့ပါ တယ်။

ကိုရီးယားနိုင်ငံ မှာတော့ ဂျိုဆွန်ရာစုနှစ် (၁၃၉၂-၁၈၉၇) တုန်းက နှစ် တစ်နှစ်ရဲ့ ပထမဆုံး နှင်း ကျတဲ့နေ့မှာ ရာထူးကြီးငယ် မရွေး တော်ဝင် မိသားစု ဝင်တွေနဲ့ တိုင်းသူ ပြည်သားတွေကို လိမ်ညာ ပြောဆို ခွင့် နောက်ပြောင် ကျီစယ်ခွင့် ပြုထားခဲ့ပါတယ်။ အဲ့ဒီနေ့မှာ ပန်းကန် လုံးလေးထဲ နှင်းခဲတွေ ထည့်ပြီး မိမိ နောက်ပြောင် ကျီစယ် လို သူကို ဆင်ခြေ အမျိုးမျိုးနဲ့ လှည့်ဖျားပြီး ပေးပို့လေ့ ရှိပါတယ်။ နှင်းခဲ ပန်းကန်ကို လက်ခံ ရရှိသူက ကစား ပွဲမှာ ရှုံးနိမ့်သူ ဖြစ်ပြီး ပေးပို့လာ သူရဲ့ဆန္ဒကို ဖြည့် ဆည်းပေး ရပါတယ်။ ဒါပေမဲ့ တမင်သက်သက် ရည်ရွယ်ချက် ရှိရှိ စီစဉ်ထားတာမျိုး မဟုတ်တဲ့ အတွက် အန္တရာယ် ကင်းတဲ့ ကျီစယ် မှု နောက် ပြောင်မှုတွေ အဖြစ်သာ သတ်မှတ်ခဲ့ကြပါတယ်။

ပြင်သစ်နိုင်ငံ မှာတော့ မိမိ စနောက်လိုသူ ရဲ့ နောက်ကျောဘက်မှာ ငါးရုပ် ကလေးကို တိတ်တဆိတ် ကပ်ထားပြီး ကျီစယ်လေ့ ရှိကြပါတယ်။ ကာယကံရှင် သိသွားတဲ့ အချိန်မှာတော့ April Fish ဒါမှမဟုတ် April Fool လို့အော်ပြီး ထွက်ပြေးကြပါတယ်။ ဒါကြောင့်လည်း ဧပြီ ၁ ရက်နေ့ ကို ဧပြီ ငါးနေ့ လို့လည်း ခေါ် ကြ ပါသေးတယ်။ ပြင်သစ် နိုင်ငံရဲ့ ဧပြီဖူးနေ့ မှာ ငါးရုပ်ကလေး တွေနဲ့ ကျီစယ်ခြင်းဟာ မရိုးတဲ့ ထုံးစံတစ်ခုပဲ ဖြစ်ပါတယ်။ ဧပြီငါး ဆိုတာကတော့ အလွယ်တကူ ဖမ်းလို့ ရနိုင် တဲ့ ငါးအသေး စားလေးတွေ ကို ခေါ် ခြင်းပဲဖြစ်ပါတယ်။

အင်္ဂလန်နိုင်ငံ မှာတော့ April Fool နေ့ နောက်ပြောင် ကျီစယ်ခြင်းကို ဧပြီလ ၁ ရက်နေ့ မနက်စောစောပိုင်း အချိန်တွေမှာသာ ခွင့်ပြုထားပါတယ်။ အဲဒီနေ့ မှာ နောက်ပြောင်ခြင်း ခံရသူကို တော့ ခေါက်ဆွဲ အဖြစ် တင်စားခေါ်ဆိုကြပါ တယ်။

စကော့တလန် နိုင်ငံမှာတော့ ဧပြီဖူးဒေးကို နှစ်ရက် ကျင်းပလေ့ရှိပြီး ဧပြီလ ၂ ရက်နေ့ ဒုတိယနေ့ မှာတော့ သူငယ်ချင်း မိတ်ဆွေတွေ ကြား၊ မိသားစု ဝင်တွေ ကြားမှာ နောက်ပြောင် ကျီစယ်ခြင်း ကို တစ်နေ့လုံး လိုလို ဆင်နွှဲလေ့ ရှိပါတယ်။ နောက်ကျောမှာ စာပြောင်တွေ ပုံတွေကပ်ပြီး အချင်း ချင်း ကျီစယ်လေ့ရှိကြတဲ့ ဒုတိယနေ့ ကို တော့ Taily Day လို့ သတ်မှတ်ခေါ်ဝေါ်ကြပါ တယ်။

ပေါ်တူဂီ နိုင်ငံမှာတော့ အီစတာဥပုသ်လ မရောက်ခင် စနေနဲ့ တနင်္ဂနွေ နေ့တွေ ကို April Fool နေ့အဖြစ် သတ်မှတ်ပြီး ဆင်နွှဲလေ့ ရှိကြ ပါတယ်။ ထုံးတမ်း အစဉ် အလာ အရ တစ်ယောက်နဲ့ တစ်ယောက် ဂျုံမှုန့်နဲ့ ဖျန်းပက် ကျီစယ်တဲ့ဓလေ့ဟာ ပေါ်တူဂီ နိုင်ငံရဲ့ ဧပြီဖူး ဓလေ့လေးပါပဲ။
သူငယ်ချင်းတွေ ကြားမှာ နောက်ပြောင် ကျီစယ်မှုတွေ ကတော့ ရင်းနှီးမှု အဆင့်ကိုလိုက်ပြီး အမျိုးမျိုး ရှိကြပါတယ်။ အခုနောက်ပိုင်း ခေတ်တွေ မှာတော့ ဧပြီဖူးနေ့ကို မီဒီယာတွေ ကပါ ကျယ် ကျယ်ပြန့်ပြန့် တင်ဆက် လာကြတာကို တွေ့ရပါ တယ်။

တစ်ခါတုန်း ကတော့ ဧပြီဖူးနေ့မှာ ”spaghetti farmers” ဆိုတဲ့ အင်္ဂလိပ် ရုပ်ရှင် ဇာတ်လမ်းတိုလေး တစ်ခုကို ထုတ်လွှင့် ပြသခဲ့ပါ တယ်။ ဇာတ်လမ်းလေး ကတော့ အီတလီ ခေါက်ဆွဲ လို့ခေါ်တဲ့ (Spaghetti) အပင်ကနေ ရာသီပေါ် သီးနှံတွေကို ရိတ်သိမ်းကြတဲ့ အကြောင်းလေးကို ရိုက်ပြထားတဲ့ ဇာတ်လမ်းလေးပါ။

အဲဒီနေ့မှာတော့ သူငယ်ချင်း အလုပ် သွားခါနီး ကားသော့ ဖွက်ထားတာမျိုး ဖိနပ်တစ်ဖက် ဖွက်ထားတာမျိုး ခြေအိတ်တွေ၊ လည်စီးနက်ခ် တိုင်တွေ ဖွက်ထားတာမျိုး မနက် အိပ်ရာထဖို့ပေး ထားတဲ့နှိုးစက်ကို နာရီ ဝက်လောက် နောက်ကျ အောင်လုပ်တာမျိုး အမျိုးမျိုး ကျီစယ်ကြပါတယ်။
ဒါမှ မဟုတ်ရင်လည်း ဖုန်းဆက်ပြီး နောက်ပြောင်တာ စာပို့ပြီး ကျီစယ် တာ ကောလာဟလ ယုံတမ်း စကားတွေ အခြေအမြစ် မရှိတဲ့ သတင်း တွေ ဖြန့်ဝေတာ မျိုးတွေ လည်း လုပ်လေ့ ရှိကြပါ တယ်။

”မင်းအိမ်က ပါဆယ် ရောက်နေတယ်လို့ စာတိုက်က ဖုန်းဆက်လာတယ် စာတိုက်မှာ သွား ထုတ်လိုက်ပါဦး”
”ငါမတော်တဆ မင်းရဲ့မျက်မှန်ကို တက်နင်း မိတယ်ကွာ”
”ညနေကျရင် မန်နေဂျာက ငါတို့ အားလုံး ကို ညစာစားပွဲ ဖိတ်ထားတယ် ဟိုတယ်ကို ၇ နာရီ အရောက်လာခဲ့နော်”
”မင်းရဲ့ ကောင်မလေး အခုပဲ ဆေးရုံတင်လိုက် ရတယ် ဆေးရုံကို လိုက်သွား လိုက်ပါဦးကွာ”
”ညီလေးရေ ဒီနေ့ကျူရှင် မရှိဘူးတဲ့ မင်းဆရာမ အခုပဲ ဖုန်းဆက်တယ်”

အချင်းချင်း ပျော်စေပြက်စေ နောက်ပြောင် ကျီစယ်ခြင်း ဖြစ်တဲ့အတွက် သူတစ်ပါး ထိခိုက် နာကျင်စေ လောက်အောင်တော့ စနောက်လေ့ မရှိကြ ပါဘူး။ တစ်စုံ တစ်ယောက် ကို အလွန်အမင်း ကျီစယ်မိတယ် ဆိုရင်လည်း သူငယ်ချင်း ဒုက္ခ မရောက်ခင်မှာ ဧပြီဖူးလို့ အချိန်မီ ပြောလေ့ရှိကြ ပါတယ်။

ရတီ စာဖတ် ပရိသတ်တွေရော ဒီနှစ် ဧပြီဖူးနေ့ မှာ ဘယ်လို နောက်ပြောင် ကျီစယ်ဖို့ စိတ်ကူး ရှိကြပါသလဲ။ စာဖတ်သူတွေ အားလုံး ရယ်မော ပျော် ရွှင်ဖွယ် ဧပြီဖူးနေ့လေး ကို ပိုင်ဆိုင်နိုင် ကြပါစေလို့ ဆုတောင်းပါတယ်ရှင်....