နှင်းတွေ တဖွဲဖွဲ ကျနေတဲ့
ဆောင်းညလေးတညကို
ခိုနားရင်း……….
ကျနော်တို့ အတူထိုင်နေလည်း
လွင့်မျောတဲ့စိတ်နဲ့
မနှင်း နှလုံးသားလေး အေးခဲနေမှာစိုးတယ်။

ဘယ်လောက်ဝေးပါစေ
မေတ္တာတရားကို
ကိုယ်စီရင်မှာထားလို့
အဝေးက မနှင်းတစ်ယောက်
မွေးနေ့လေးတစ်နေ့
ဖြတ်သန်းနေချိန်
အဝေးတစ်နေရာကနေ
စိတ်ချမ်းသာဖို့ အတွက်
ဆုတောင်းပေးနေမယ်….
ပျော်ရွှင်သော မွေးနေ့လေးများစွာကို ပိုင်ဆိုင်စေဖို့……..။

ချစ်ခင်လေးစားစွာဖြင့်
မနှင်းမွေးနေ့အတွက် အမှတ်တရ


တစ်ယောက်သောသူက မွေးနေ့အတွက် အမှတ်တရလက်ဆောင် ပို့လာတဲ့ ကဗျာလေးပါ။။။။

ပျော်ရွှင်ပါစေ...
ဒီရက်မြတ်မှာလေ..
မင်္ဂလာအပေါင်းနဲ့ ခညောင်း ပြည့်စုံစေ...

ပျော်ရွှင်ပါစေ..
ဒီရက်မြတ်မှာလေ..
အေးချမ်းပါစေ...။

ပျော်ရွှင်ပါစေ..
ဒီရက်မြတ်မှာလေ..
ဘေးဘယာတွေ ဝေးကွာပါစေ.။

ပျော်ရွှင်ပါစေ..
ဒီရက်မြတ်မှာလေ..
ပန်းကဲ့သို့မွှေး ရေကဲ့သို့ အေးချမ်းပါစေ..

ခင်တဲ့ မြတ်နိုး

ဒီကဗျာလေးက မြတ်နိုးရေးပေးထားတဲ့ ကဗျာလေးပါ......

မနှင်း
မွေးနေ့မှာ ပျော်ရွှင်ပါစေလို့ လှိုက်လှိုက်လှဲလှဲ ဆန္ဒပြုလိုက်ပါတယ်။

ဂရိတွေးခေါ်ပညာရှင်ကြီး ဟေရာကလိုက်တပ်(စ်) က မြစ်တစ်မြစ်မှာ ရေနှစ်ခါမချိုးနိုင်ဘူး လို့ ပြောသွားတယ်။
ကျော်ကြားလှတဲ့စကားမို့ လူသိလည်းများလှပါတယ်။
မြစ်ထဲမှာ ရှိတဲ့ရေတွေဆိုတာ အမြဲစီးဆင်းနေတယ်မနှင်း။ မနှင်းချိုးခဲ့ပြီးသားအဲ့ဒီမြစ်မှာ နောက်တစ်ခါသွားပြန်ချိုးရင်
မတူညီတော့တဲ့ ရေတွေ၊ အသစ်အသစ်သော ရေတွေနဲ့ပဲ မနှင်းရင်ဆိုင်ရလိမ့်မယ်။ လောကကြီးဟာလဲ မြစ်ရေတွေလိုပဲ
အချိန်နဲ့အမျှ စီးဆင်းပြောင်းလဲနေတယ်။ ပြောင်းလဲမှုနဲ့အတူ မနှင်းဟာ လိုက်ပါ ရှင်သန်ရလိမ့်မယ်။ လိုအပ်ရင်
သီချင်းသံစဉ်တစ်ခုအတွက် ဂစ်တာကို ကြိုးညှိတီးခတ်ရသလိုမျိုးပေါ့။ လက်ကွက်ပြောင်းရသလိုမျိုးပေါ့။ ဘ၀ကို
သီချင်းတစ်ပုဒ်လို သီဆိုသွားချင်တယ်ဆိုရင်တော့ ခေတ်အလျောက်၊ အချိန်အခါအလျောက် ကိုယ့်ကိုယ်ကိုယ် ကြိုးညှိတီးခတ်သွားပါ မနှင်း။

ဒါဟာ ဆရာလုပ်တာမျိုးတော့ မဟုတ်ပါဘူး။ ကျနော့်ထက် ကြီးတဲ့ မနှင်းဟာ ကျနော့်ထက် အများကြီး အတွေ့အကြုံရှိပြီး ရင့်ကျက်ပြီးသားပါ။
ဒါပေမယ့် ကျနော်အရမ်းနှစ်သက်တဲ့ ဒီစကားပုံကို အဓိပါယ်ဖွင့်ပြီး မွေးနေ့အမှတ်တရအဖြစ် ပို့ပေးလိုက်ခြင်းဖြစ်ပါတယ်။

မွေးနေ့မှသည် သေဆုံးချိန်အထိ ရက်ပေါင်းများစွာ နေ့ပေါင်းများစွာ စိတ်ကြည်လင်အေးချမ်းသော သူဖြစ်ပါစေလို့ ဆန္ဒပြုရင်း..။
ချစ်တဲ့
ဇော်။

ဒါလေးကတော့ ချစ်တဲ့ညီမလေးဇော် ရေးပေးထားတဲ့ ဆုတောင်းလေးပါ...

မနှင်း မ္ဂေးနေ့...
နှင်းတစ်ပ္ဂင့်ကို လေအေးအေးလေးတ္ဂေက သယ်ဆောင်ရင်း
အပြာရောင် မိုးကောင်းကင်အောက်က လူသားတ္ဂေကို အေးမြစေတယ်
ဒီလိုနဲ့ ဖြူစင်တဲ့ နှင်းပ္ဂင့်လေးတ္ဂေ ကျဆင်းနေလိုက်တာ
ကြည်နူးစရာပါပဲ .....
အေးချမ်းသော ရင်တစ်စုံကို န္ဂေးထ္ဂေးတဲ့ လက်တစ်ခုနဲ့ဖိရင်း
နှင်းပ္ဂင့်လေးတ္ဂေရဲ့ သိပ်သည်းမှုနဲ့ တစ်လောကလုံး အေးချမ်းနေတာကို
သတိထားမိခဲ့ပါရဲ့.......
နှင်းဆီပန်းလှလှလေးတ္ဂေ ကပြုံးနေရင်းလှမ်းကြည့်နေတာကို
ဖြူဖ္ဂေးတဲ့ စံပယ်လေးတ္ဂေ က စူးစမ်းမိတော့
ဘာလို့ နှင်းပ္ဂင့်လေးပျော်နေတာလဲတဲ့..
ဒါကိုကြားလိုက်ရတဲ့ လေပြည်ညှင်းလေးက
နှင်းပ္ဂင့်လေးရဲ့ အမှတ်တရနေ့တ္ဂေကို ငါက သယ်ဆောင်ပေးခဲ့တာ
ဒါနဲ့ဆို (.......) ကြိမ်ရှိပြီတဲ့....
ပျော်နေလိုက်တဲ့ နှင်းပ္ဂင့်လေး မြင်ရသူတ္ဂေ ငေးလို့.........

ပျော်ပါစေ မနှင်းရေ

ဒါလေးကတော့ လင်းကြယ်ဖြူ ရဲ့ လက်ဆောင်ပါ....

မနှင်းရေ


ပျော်ရွှင်မှုတွေ အပြည့်အဝရရှိတဲ့ ပျော်ရွှင်စရာ မွေးနေ့လေးဖြစ်ပါစေညီမရေ

မွေးနေ့ အတွက် သီချင်းခွေ

http://www.youtube.com/watch?v=xVzIGMqRznk

အလုပ်ထဲမှာ သူက ထူးထူးခြားခြား အလုပ်ကြိုးစားသူတစ်ယောက်….
စကားများများ မပြောပေမယ့် အလုပ်အရမ်းလုပ်တာမို့ လူချစ်လူခင်ပေါသလို သူများဘယ်လို အကူအညီတောင်းတောင်း မငြင်းတတ်သူတစ်ယောက်မို့ သူ့အနားမှာ သူငယ်ချင်းတွေ ဝိုင်းနေတာမဆန်းပါ…

ထူးဆန်းတာက သူအလုပ်စဝင်ကတည်းက အလုပ်မှာ ကပ်ထားတဲ့ ဝန်ထမ်းတွေရဲ့ မွေးနေ့ မှတ်တမ်းတွေထားရှိရာ memo Board မှာ သူ့မွေးနေ့ကိုရေးမထားခဲ့တာမို့ သူအလုပ်ဝင်ပြီး ၃ နှစ်ထဲ ဝင်တဲ့အထိ သူ့အတွက် မွေးနေ့ပွဲကို တစ်ခါမှ မလုပ်ပေးခဲ့ရပါ။

ဘယ်သူ့မွေးနေ့ပဲ ဖြစ်ဖြစ် ကုမ္ပဏီက အသိအမှတ်ပြုပြီး နေ့လည်စာစားပွဲလေးကို လုပ်ပေးနေကျ အစဉ်အလာလေးကရှိနေတာမို့ HR က တင်ထားတဲ့ ကြော်ငြာသင်ပုန်းပေါ်မှာ လုပ်ဖော်ကိုင်ဘက်တွေရဲ့ မွေးနေ့လေးတွေကို မျှော်နေတတ်ကြပါသည်။

တစ်လတစ်လ ဘယ်သူတွေမွေးနေ့တွေရှိလဲဆိုတဲ့ သတင်းလေးတွေစုပြီး မွေးနေ့လက်ဆာင်လေးတွေ ကြိုပြီး စီစဉ်သူက စီစဉ် စားချင်တဲ့ စားစရာတွေကို ကြိုပြီး မီနူးထုတ်သူက ထုတ်လို့ ဝန်ထမ်းပေါင်း ၁၀၀ နီးပါးလောက်ရှိတဲ့ ကုမ္ပဏီကြီးမှာ မွေးနေ့နေလည်စာ စားပွဲလေးက ဝန်ထမ်းအားလုံးအတွက် ပျော်စရာ အစီအစဉ်လေးလိုဖြစ်နေခဲ့ပါသည်.

တနေ့ လုပ်ဖော်ကိုင်ဘက်တစ်ယောက်က မမျှော်လင့်ပဲ သူ့မွေးနေ့လေးကို သိခွင့်ရလိုက်တာမို့ မန်နေဂျာကို အကြောင်းကြားပြီး အရေးပေါ်အစီအစဉ်နဲ့ မွေးနေ့ပွဲလေးကို သူမသိအောင် တိတ်တိတ်လေး ဖန်တီးစီစဉ်လိုက်ကြပါသည်…

အမှတ်မထင် သူ့မွေးနေ့ကို သိခွင့်ရတဲ့အချိန်ဟာ နှစ်ရက်တိတိ နောက်ကျနေခဲ့ပေမယ့် လူချစ်လူခင်ပေါလွန်းလှတဲ့ ဝန်ထမ်းကောင်းတစ်ယောက် လုပ်ဖော်ကိုင်ဘက်ကောင်းလေး တစ်ယောက်ရဲ့ မွေးနေ့ပွဲလေးကို မဖြစ်ဖြစ်အောင် ဖန်တီးပေးချင်တဲ့ စေတနာတွေက ဝန်ထမ်းတိုင်းရဲ့ ရင်ထဲမှာ တူညီစွာပဲရှိနေခဲ့ပါသည်။

သူနဲ့ဌာနတူတဲ့ သူငယ်ချင်းတွေကလဲ ရှားရှားပါးပါးရတဲ့ အခွင့်အရေးလေးကို အလွတ်မပေးပဲ သူ့အတွက် အမှတ်တရ ဖြစ်စေမယ့် မွေးနေ့လက်ဆောင်တွေကို အလုအယက်စီစဉ်နေခဲ့ကြပါသည်။

နေ့လည်စာ စားချိန်မှာတော့ ဝန်ထမ်းတွေအားလုံး တက်တက်ကြွကြွနဲ့ ထမင်းစားခန်းမကျယ်ကြီးထဲကို ရောက်နေခဲ့ကြသလို သူ့ရဲ့သူငယ်ချင်းတစ်ယောက်ကလဲ ကြိုတင် အသိမပေးထားပဲ သူ့ကိုခေါ်လို့ ထမင်းစားခန်းမကြီးထဲကို ဝင်လာခဲ့ပါသည်…

သူခန်းမကြီးထဲ ဝင်လာချိန်မှာတော့ လုပ်ဖော်ကိုင်ဖက် အားလုံး မတိုင်ပင်ထားပဲ Happy Birthday သီချင်းလေးကို ဆိုလိုက်ချိန်မှာတော့ သူလဲအံ့သြခြင်းကြီးစွာနဲ့ ပါးစပ်အဟောင်းသား ဖြစ်နေခဲ့ပါသည်..

သီချင်းဆိုသံတွေနဲ့ လက်ခုပ်သံတွေ စဲသွားချိန်မှာတော့ သူ့ဌာနမှ အထွေအထွ မန်နေဂျာက ဦးဆောင်လို့ ခန်းမကြီး အလယ်မှာရှိတဲ့ မွေးနေ့ကိတ်ကြီး တင်ထားတဲ့ စားပွဲရှည်ကြီးဆီကို ခေါ်သွားပြီး ဆုမွန်ကောင်းတောင်းပေးရင်း

သူ့ရဲ့မွေးနေ့လေးဟာ နှစ်ရက်တိတိ နောက်ကျပြီးကျင်းပရပေမယ့် လတ်ဆတ်သောနေဆဲ သစ်လွင်နေဆဲ ဖြစ်ကြောင်း ဒီနေ့ကျင်းပတဲ့ သူ့ရဲ့ မွေးနေ့လေးဟာ လှပတဲ့ ပျော်ရွှင်စရာကောင်းတဲ့ မွေးနေ့လေးဖြစ်ကြောင်း သူ့ကို ပြောပြနေခဲ့ပါတယ်…

မန်နေဂျာကြီးရဲ့ စကားအဆုံးမှာတော့ ကြည်နူးမှုတွေနဲ့အတူ ပီတိအပြုံးတစ်ခုနဲ့ အားလုံးကို ကျေးဇူးတင်ရှိကြောင်း သူကလဲ ဂရုစိုက်မှု အလေးပေးမှုများအတွက် အလွန်ပျော်ရွှင်ကြည်နူးမိတဲ့အကြောင်း သူ့ဘဝမှာ မွေးနေ့ပေါင်းများစွာကို ပျော်ရွှင်စွာ ဖြတ်သန်းခဲ့ရသလို တိတ်ဆိတ်စွာ ခြောက်ကပ်စွာနဲ့ မွေးနေ့အချို့ကိုလဲ ဖြတ်သန်းခဲ့ရဘူးကြောင်း ခုနောက်ပိုင်းမှာ မွေးနေ့မကျင်းပခဲ့တာ တော်တော်ကြာခဲ့ပီဆိုတာကိုလဲ မမေ့မလျှော့ပြောပြခဲ့ပါတယ်….

သူ့ဘဝမှာ သူ့ရဲ့မွေးနေ့ကို နာကျင်စွာ မေ့လျော့ထားဖြစ်ခဲ့တဲ့ အဓိက အကြောင်းပြချက်တစ်ခု ရှိနေခဲ့ကြောင်းနဲ့ ဒီနေ့မှာတော့ သူ့ရင်ထဲမှာ သိမ်းဆည်းထားခဲ့တဲ့ အမှတ်တရ အဖြစ်အပျက်လေးကို မိတ်ဆွေ အပေါင်း အသင်းများကို ပြောပြချင်ပါတယ်လို့ ခွင့်တောင်းလို့ သူ့ရဲ့ ဘဝ တစိတ်တဒေသကို ပုံပြင်လေးတစ်ပုဒ်လို ဖွင့်ပြောပြခဲ့ပါတယ်…..

……………………………………………………………………………………….
သူ့မိသားစုမှာ မေမေရယ် ဖေဖေရယ် ညီမလေးရယ် သူရယ် စုစုပေါင်းလေးယောက်ရှိခဲ့သလို သူ့မိသားစုလေးဟာ ဆင်းရဲပေမယ့် နွေးထွေးတဲ့ စည်းလုံးညီညွတ်တဲ့ ချစ်ခြင်းတရားတွေအပြည့်ရှိတဲ့ မိသားစုလေး ဖြစ်ခဲ့ပါတယ်…

သူ့မေမေကတော့ သူတို့မြို့လေးက နာမည်ကျော် ကိတ်မုန့်ဆိုင်ကြီးမှာ နှစ်ရှည်လများ အလုပ်လုပ်ခဲ့သူဖြစ်သလို သူ့မေမေ ဖုတ်တဲ့ ကိတ်မုန့်တွေကလဲ သူတို့မြို့လေးမှာ နာမည်ကြီးခဲ့ပါတယ်… သူ့ဖေဖေကလဲ အဲဒီမုန့်ဆိုင်က မုန့်တွေကို ဆိုင်ခွဲတွေကို လိုက်ပို့ရတဲ့ အရောင်းဝန်ထမ်း တစ်ယောက်ဖြစ်ခဲ့ပါတယ်…

ဖေဖေနဲ့ မေမေနဲ့ ဖူးစာပါခဲ့တဲ့ အဲဒီမုန့်ဆိုင်လေးဟာ သူတို့မိသားစုအတွက် စာဝတ်နေရေး အတွက် လုံလောက်တဲ့ ဝင်ငွေကို ပေးနိုင်ခဲ့သလို ဒီဆိုင်လေးက ပေးတဲ့ ဝင်ငွေလေးနဲ့ သူနဲ့ညီမလေး ပညာသင်ဖို့ကိုလဲ စီမံကိန်းလေးဆွဲလို့ မေမေနဲ့ဖေဖေက ငွေစုစာအုပ်လေးနဲ့ ပိုက်ဆံလေးတွေ စုဆောင်းခဲ့တာကိုလဲ သူမှတ်မိနေခဲ့ပါသည်…

သူအမြဲတမ်း မှတ်မိနေခဲ့တာကတော့ သူတို့မိသားစု စုံစုံလင်လင် ပျော်ရွှင်ခဲ့ဖူးတဲ့ သူ့မွေးနေ့ရယ် ညီမလေးမွေးနေ့ရယ် ဖေဖေ့မွေးနေ့တွေရယ်….

နှစ်စဉ်နှစ်တိုင်း သူတို့မွေးနေ့လေးတွေရောက်တိုင်း မေမေက အလုပ်ကနေခွင့်ယူပြီး သူမရဲ့ အကောင်းဆုံးလက်ရာတွေထဲက အကောင်းဆုံးဖြစ်ခဲ့တဲ့ ချိစ်ကိတ်လေးတွေကို အရသာမျိုးစုံ ပြောင်းပြီး လုပ်ပေးခဲ့ပါသည်။ တနှစ်တာပတ်လုံးမှာ တပတ်တခါရတဲ့ နားရက်တွေအပြင် မေမေအလုပ်ကနေ ခွင့်ယူတတ်တဲ့ ရက်က မရှိသလောက် ရှားပါးလွန်းလှစွာ သူတို့မွေးနေ့လေးတွေပဲ ဖြစ်ခဲ့ပါသည်။

သူငယ်စဉ်က သတိမထားမိခဲ့ပေမယ့် သူနည်းနည်းသိတတ် နားလည်လာတဲ့ အချိန်မှာတော့ သူတို့အားလုံးရဲ့ မွေးနေ့လေးတွေကို ဂရုတစိုက်နဲ့ လုပ်ပေးနေတဲ့ မေမေတစ်ယောက် ရဲ့မွေးနေ့ကို သတိရလာပါတယ်…

သူတို့အိမ်မှာ မေမေ့မွေးနေ့ကို တခါမှ မကျင်းပခဲ့တာကို အမှတ်ရလာတာမို့ မေမေ့မွေးနေ့ကို မေးမိတော့ နောက်နှစ်မေမေ့မွေးနေ့ရောက်ရင် ပြောပြမယ်ဆိုတဲ့ နှစ်သိမ့်မှုလေးအောက်မှာပဲ နှစ်အချို့ ကုန်လွန်သွားခဲ့ပါတယ်…

နောက်တစ်ကြိမ် ပြန်မေးမိတော့လဲ မေမေဆိုင်မှာ အလုပ်တွေများလို့ မွေးနေ့မလုပ်ဖြစ်တာပါသားရယ် မေမေအားတဲ့ အချိန်နဲ့တိုင်ဆိုင်ရင် မွေးနေ့လုပ်မှာပါ မပူပါနဲ့လို့ မေမေက ပြောလာပြန်ပါတယ်…

တကယ်လဲ မေမေက ဆိုင်မှာ အလုပ်များလွန်းသူတစ်ယောက်ပါ… မွေးနေ့ကိတ်ပေါင်းများစွာကို နေ့စဉ်နဲ့အမျှ မရိုးနိုင်အောင် လုပ်နေရင်းက အော်ဒါလာပေးသူတွေကလဲ မေမေ့လက်ရာစစ်စစ်ကိုပဲ လိုချင်ကြတော့ မေမေက ပိုပင်ပန်းခဲ့ပါသည်…..

သူတက္ကသိုလ်ဝင်ခွင့်ရတဲ့နှစ်မှာတော့ သူ့ကျောင်းစရိတ်အတွက် မေမေတို့ကို ကူညီချင်တဲ့ ဆန္ဒကြောင့် သူတို့မြို့လေးမှာရှိတဲ့ လက်အိတ်စက်ရုံမှာ အချိန်ပိုင်းဝင်လုပ်ခဲ့ပါသည်။

သူ့အတွက် ကံကောင်းစေဖို့ ဖြစ်လာခဲ့တာက သူတို့ကျောင်းက Exchange Student တွေရွေးတော့ သူက အာရှနိုင်ငံတစ်ခုမှာ တစ်နှစ်တိတိ ကျောင်းသွားတတ်ဖို့ ရွေးချယ်ခံခဲ့ရပါသည်။

မခွဲစဖူး မေမေနဲ့ တစ်နှစ်လောက်ခွဲရမှာမို့ တွေးပြီး ဝမ်းနည်းနေချိန်မှာ အချိန်အတော်ကြာ မေ့လိုက် သတိရလိုက် ဖြစ်နေတဲ့ မေမေ့မွေးနေ့ကို ပြန်သတိရလာပြန်ပါသည်။

ဒီတခါတော့ မေမေ့ကို မမေးပဲ ဖေဖေ့ကိုမေးဖို့ ဆုံးဖြတ်မိတာမို့ ဖေဖေ့ကို တိတ်တိတ်လေး မေးမိခဲ့ပါသည်…. ဒီတချိန်မှာတော့ သူဖေဖေ့ကို ရွေးချယ်ခဲ့တာ မှန်ပါသည်…. သိချင်စိတ်ပြင်းပြနေတဲ့ သူ့ကို ဖေဖေက မေမေ့လိုမညာခဲ့ပါ သူနားလည်အောင် လက်ခံလာအောင်ရှင်းပြ အသိပေးခဲ့ပါသည်။

တကယ်တော့ မေမေ့မှာ မွေးနေ့မရှိခဲ့ပါ…. မေမေက လူမှန်းသိတတ်ချိန်မှာကတည်းက မိဘမဲ့ကလေးများဂေဟာကို ရောက်နေခဲ့ပါသည်…မေမေ့ကို ဂေဟာသို့ ပို့ပေးခဲ့သူများကလဲ မေမေ့ရဲ့ မွေးစာရင်းမှတ်တမ်းကို မတွေ့ခဲ့ကြသလို မေမေ့နောက်ကြောင်းကိုလဲ သေသေချာချာ မသိခဲ့ကြပါတဲ့…

မေမေ မိဘမဲ့ ဂေဟာကို မရောက်ခင် ကြားမှာ မေမေ့ကို အဆင့်ဆင့်လက်လွဲပြီး မွေးစားခဲ့သူက သုံးဦးလောက်ရှိခဲ့တာမို့ မေမေတစ်ယောက် ဘယ်က ရောက်လာမှန်း ဘယ်သူမှမသိခဲ့ကြပါ…..

ဖေဖေပြောပြတဲ့ မေမေ့အကြောင်းကို ကြားခွင့်ရတဲ့ နေ့က သူ့ဘဝမှာ အနာကျင်ဆုံးအထိခိုက်ဆုံး ဖြစ်ခဲ့ရပါသည်…

သူလူမှန်းသိတတ်စကတည်းက မွေးနေ့ကိတ်ပေါင်းများစွာ မွေးနေ့ပေါင်းများစွာကို ဖန်တီးပေးခဲ့တဲ့ မေမေ့အတွက် မွေးနေ့ပွဲလေးတစ်ခု ဖန်တီးပေးဖို့ သူအကြိမ်ကြိမ် ကြိုးစားခဲ့ဖူးပါသည်…

မွေးနေ့ကိတ်ကို ကိုယ်တိုင်လှီးနေတဲ့ မေမေ့ကို သူမကြာခဏ စိတ်ကူးထဲမှာ ပုံဖော်ကြည့်ခဲ့ဖူးပါသည်… မေမေကလဲ သူနာကျင်မှာစိုးလို့ မုသားချိုချိုလေးတွေသုံးကို သူ့ကို နှစ်သိမ့်ပေးခဲ့ပါသည်….

မေမေရေ တကယ်ဆို မေမေ့အဖြစ်က အဆက်မပြတ်စီးဆင်းနေခဲ့တဲ့ မြစ်ကြီးတစ်စင်းနဲ့ တူနေတယ်နော်….မြစ်ကြီးကိုမှီခိုပီး လူတွေက အသက်ရှင်နေကြပေမယ့် မြစ်ကြီးကိုယ်တိုင်မှာတော့ စီးဆင်းနေရင်း ရေငတ်နေတဲ့ အဖြစ်မျိုး ….

ပီးတော့ ကိုယ်တိုင်အကျွမ်းခံပြီး အလင်းရောင်ပေးနေတဲ့ ဖယောင်းတိုင်မီးနဲ့လဲ တူနေပြန်တယ်… သူတပါးအတွက် အလင်းတွေပေးရင် ကိုယ်တိုင်က ခြစ်ခြစ်တောက်အောင် ပူပြီးအရည်ပျော်နေခဲ့တယ်လေ…

မေမေတစ်ယောက် ဒီဆိုင်လေးမှာ မွေးနေ့ကိတ်လေးတွေကို နှစ်ရှည်လများ ဘာ့ကြောင့် ဂရုတစိုက်နဲ့ လုပ်နေခဲ့သလဲဆိုတာရယ်…. မေမေဖုတ်တဲ့ မွေးနေ့ကိတ်လေးတွေကမှ ဘာ့ကြောင့်ပိုပြီး နာမည်ကြီးနေခဲ့သလဲဆိုတာရယ်…

ပြီးတော့ သူတပါးရဲ့ မွေးနေ့ကိတ်လေးတွေကို ဖုတ်နေရင်း မေမေ့ရင်ထဲမှာ ဘယ်လိုခံစားနေခဲ့ရမလဲ ဆိုတာတွေကို တစတစ တွေးမိလာချိန်မှာ သူ့မျက်ဝန်းမှာ မျက်ရည်လေးတွေစို့လာခဲ့ပါတယ်…

သူကျောင်းသွားမတက်ခင် မေမေ့အတွက်မွေးနေ့ပွဲလေးတစ်ခု ဖန်တီးပေးချင်ပါတယ်လို့ ညီမလေးနဲ့ ဖေဖေ့ကို ပြောပြမိတော့ ဖေဖေက ကြည်ဖြူစွာနဲ့ ခွင့်ပြုခဲ့ပါသည်…
ညီမလေးကလဲ မေမေ့အတွက် အကောင်းဆုံး အလှပဆုံး အပြည့်စုံဆုံး မွေးနေ့လေးကို ဖန်တီးပေးချင်ပါတယ်လို့ စိတ်ပါလက်ပါ ပြောလာချိန်မှာ တော့ ညီမလေးမျက်ဝန်းမှာလဲ မျက်ရည်စ တချို့ကိုတွေ့လိုက်ရပါသည်…..

အဲဒီနေ့က သူရော ဖေဖေရော အလုပ်မသွားကြပါ မေမေကတော့ ဘာကိုမှ မသိတာမို့ ထုံးစံအတိုင်း မနက်စောစောထပြီး သူတို့မိသားစုအတွက် စားစရာတွေ ပြင်ဆင်ပေးပြီးချိန်မှာ မုန့်ဆိုင်ကို ထွက်သွားခဲ့ပါသည်။

ညီမလေးက ဒီညမှာကျင်းပမယ့် မေမေ့မွေးနေ့ပွဲလေးအတွက် ချက်ပြုတ်စီမံဖို့ စူပါမားကတ်တစ်ခုကို အပြေးသွားလို့ဈေးဝယ်နေချိန်မှာတော့ ဖေဖေက တက်ကြွစွာနဲ့ တအိမ်လုံးကို သန့်ရှင်းရေး လုပ်နေခဲ့ပါသည်။

တချိန်တည်းမှာပဲ သူကလဲ သူတို့မောင်နှမတွေစုထားတဲ့ စုဗူးလေးကိုဖွင့်လို့ မေမေ့အတွက် မွေးနေ့လက်ဆောင်လေးဝယ်ဖို့ မြို့ထဲက ရတနာဆိုင်လေးကို ထွက်လာခဲ့ပါသည်။

မေမေ့အတွက် ဈေးသိပ်မကြီးလှပေမယ့် ကြည့်လို့ခန့်ငြားတဲ့ ရွေသားနည်းနည်း အသည်းပုံ ရွှေနားကပ်လေးတစ်ရံဝယ်ပြီးချိန်မှာ ရမိတဲ့ ပီတိလေးက ဘာနဲ့မှမတူခဲ့ပါ…

နားကပ်လေးဝယ်ပြီးချိန်မှာတော့ မွေးနေ့ကိတ်ဝယ်ဖို့ မေမေ့ဆိုင်ကို သူသွားရမှာမို့ အိမ်ပြန်ပြီး သူ့ကို ရုတ်တရက် မေမေမမှတ်မိအောင် ကြိုးစားပြီး ရုတ်ဖျက်နေချိန်မှာ ဖေဖေက ဘေးကနေ ကြည့်ရင်း တဟားဟားနဲ့ ရယ်လို့မဆုံးခဲ့ပါ။

မေမေ့ဆိုင်ကိုရောက်တော့ ဆံပင်အတု ကောက်ကောက်ကွေးကွေး နှုတ်ခမ်းမွေးထူထူကြီးတပ်ပြီး မျက်မှန် ဝိုင်းကြီး တက်ထားတဲ့ သူ့ကို မေမေက မမှတ်မိခဲ့ပါ…

သူမှာတဲ့ ချိစ်များများပါတဲ့ မွေးနေ့ကိတ်ကြီးကို မေမေက စိတ်ရှည်လက်ရှည်လုပ်ပေးခဲ့ပါသည်။ သူကလဲ မုန့်ဖုတ်ပြီးတဲ့ အချိန်အထိ စောင့်နေခဲ့ပါသည်… မုန့်ဖုတ်ပြီးတဲ့ အချိန်မှာတော့ မေမေက ဘယ်သူ့အတွက်လို့ ရေးပေးရမလဲလို့ သူ့ကိုမေးလာပါသည်….

အသင့်ရေးထားတဲ့ စာရွက်လေးကို မေမေ့ကို ပေးလိုက်ပြီး ချောကလက်ဆော့စ် နဲ့ရေးပေးပါနော်လို့ ပြောတော့ မေမေက စာရွက်လးကို ဖတ်ရင်း ပြုံးနေခဲ့ပါသည်….

Happy Birthday Mom….
We love you much…
You are our Angle from God….

စာတမ်းလေးတစ်ချို့ကို ရေးနေရင်းက မေမေက “မွေးနေ့ရက်စွဲက ဒီနေ့လား” လို့သတိတရနဲ့ ထပ်မေးလာခဲ့ပါသည်…
တကယ်ဆို ဒီမေးခွန်းကို သူမဖြေချင်ခဲ့ပါ…. ကျွန်တော့် မေမေမှာ မွေးနေ့မရှိပါဘူး လို့ပြောမိရင်…. မေမေဘယ်လိုနေမလဲ….မေမေ ဘယ်လို ခံစားလိုက်ရမလဲ… မေမေ့မျက်နှာပေါ်က အပြုံးလေး ပျောက်သွားမှာကို သူကြောက်လှပါသည်….အဲလို စကားမျိုး မေမေ့ကို သူမပြောရက်ခဲ့ပါ…

မေမေကတော့ သူ့ဆီက အဖြေတစ်ခုကို စောင့်နေခဲ့တာမို့…
“တကယ်ဆို နေ့စွဲတွေ ရက်စွဲတွေက တချို့ လူတွေအတွက် အရမ်းအရေး မကြီးလှပါဘူး… အဓိကက သူတို့ကို ချစ်နေတဲ့ ဂရုစိုက်နေတဲ့ သူတွေရှိနေဖို့ပဲ အရေးကြီးပါတယ်…ကျွန်တော့်မေမေကို ကျွန်တော် ချစ်တယ် …. ကျွန်တော်ချစ်တာကို မေမေ သိစေချင်လို့ ဒီမွေးနေ့ကိတ်လေးကို အော်ဒါမှာခဲ့တာပါ”…..
လို့ပြောရင်း မေမေ့ကို မသိမသာအကဲခတ်မိတော့ မေမေ့မျက်ဝန်းမှာ အရိပ်လေး တစ်ခု ဖြတ်ပြေးသွားတာကို တွေ့လိုက်ရပါတယ်…

မေမေ အကြာကြီး ငြိမ်သွားခဲ့သလို ကိတ်မုန့်ကို ဗူးထဲကို ကျကျနန ထည့်ပေးပြီးတဲ့အချိန်မှာတော့ ကျေးဇူးတင်ပါတယ်လို့ပြောလာတဲ့ မေမ့ရဲ့အသံက သိပ်ပီး မပီပြင်ခဲ့သလို မေမေ့အပြုံးလေးကလဲ ခပ်နွမ်းနွမ်းလေးပဲ ကျန်ပါတော့တယ်…

စိတ်မကောင်းမဖြစ်ပါနဲ့ မေမေရယ် ဒီလို ဈေးဝယ်သူမျိုး ဘယ်နှစ်ယောက်လောက် မေမေ ကြုံခဲ့ဖူးလဲ မေမေ ဘယ်နှစ်ခါလောက် မျက်နှာပျက်ခဲ့ဘူးလဲ သားတို့မသိခဲ့ပါဘူး… မေမေ မကြာခင်ပျော်ရမှာပါလို့ …စိတ်ထဲမှာ တိုးတိုးလေး ရေရွတ်ရင်း အိမ်ကို အမြန်ဆုံးရောက်အောင်ပြန်လာခဲ့ပါတယ်…..

ညနေစောင်းချိန်မှာတော့ သူတို့သားအဖတွေ က မေမေ့မွေးနေ့ပွဲလေးကျင်းပပေးဖို့ အစစအရာရာ အဆင်သင့် ဖြစ်နေခဲ့ပါပြီ… တအိမ်လုံးလဲ သန့်ရှင်းတောက်ပြောင်နေခဲ့သလို ဖေဖေ့မျက်နှာပေါ်မှာလဲ အပြုံးရိပ်လေး တစ်ချို့ကို ရှားပါးစွာတွေ့နေခဲ့ရပါသည်…

ဖေဖေ ညီမလေးနဲ့ သူတို့သုံးယောက်သား တီဗွီမှာ ပြနေတဲ့ ဇာတ်လမ်းတွဲတစ်ခုကို စိတ်မပါ့တပါ ကြည့်နေရင်း မေမေ ပြန်လာမယ့် အချိန်ကို ရင်ခုန်စွာနဲ့ မျှော်နေကြပါသည်….

ခါတိုင်းပြန်နေကျအချိန်ထက် တစ်နာရီလောက်စောလို့ မေမေ အိမ်ကို ပြန်ရောက်လာခဲ့ပါသည်… တံခါးလက်ကိုင်ဘုလေးကို သေသေချာချာလှည့်ပြီး တံခါးမကြီးကို ပြန်ပိတ်နေတဲ့ မေမေ့မျက်နှာလေးကို ခိုးကြည့်မိတော့ မေမေ့မျက်နှာလေး သိသိသာသာ ညှိုးနေတာကို သူသတိထားလိုက်မိပါသည်…..

သားအဖသုံးယောက်သား မေမေ ပြန်လာပီလားလို့ မေးရင်း တီဗွီအစီအစဉ်ကိုပဲ စိတ်ဝင်စားဟန်ပြရင်း မေမေ ထမင်းစားခန်းထဲ ဝင်မယ့် အချိန်လေးကို မသိမသာ စောင့်နေကြပါသည်….

အိမ်ပြန်ရောက်တိုင်း မေမေမှာ အဝတ်အစားတောင်မလဲနိုင်ပဲ ထမင်းစားခန်းထဲဝင်ပြီး ညစာအတွက် အပြေးအလွား စဉ်းစားစီမံနေကျမို့ အခုလဲ ထမင်းစားခန်းဆီ တန်းတန်းမတ်မတ်ကြီး လျှောက်သွားတဲ့ မေမေ့ကို ခိုးကြည့်နေရင်း သားအဖသုံးယောက်သား အပြုံးကိုယ်စီနဲ့ ကြိတ်ပြီး ပျော်နေခဲ့ပါသည်…

ထမင်းစားခန်းထဲကိုဝင်သွားတဲ့ မေမေ့ဆီက ဘာသံမှမကြားရပါ။ တစ်စက္ကန့်ပြီး တစက္ကန့် သူရင်တွေ ခုန်နေခဲ့ပါသည်… မေ့မေ့ကို ရုတ်တရက်ပျော်စေချင်တဲ့ ဆန္ဒလေးနဲ့ သူတို့ သားအဖတွေ ပြင်ဆင်ထားတဲ့ မွေးနေ့ အပြင်အဆင်လေးကို တွေ့ရင် မေမေ တစ်ယောက် တအံ့တသြ နဲ့ သူတို့ကို လှမ်းခေါ်မယ့် အသံကို သူတို့ စောင့်စားနေခဲ့ပေမယ့် ထူးဆန်းလှစွာပဲ မေမေ့ထံမှ ဘာအသံမှ မကြားရခဲ့ပါ…..

ရုတ်တရက် မစောင့်နိုင်လွန်းစွာ သူမတ်တပ်ရပ်လိုက်ချိန်မှာတော့ ဖေဖေက ထမင်းစားခန်းထဲကို အပြေးအလွှား ဝင်ပြေးသွားပါသည်…

ဖေဖေ့နောက်က သူ သူ့နောက်နားမှာက ညီမလေး…..
သူတို့တွေ့လိုက်ရတဲ့ မြင်ကွင်းက ဘယ်လိုမှ ထင်မှတ်မထားတဲ့ မြင်ကွင်းတစ်ခု ပန်းနုရောင်ဖျော့ဖျော့ စားပွဲခင်း ခင်းထားတဲ့ ထမင်းစား စားပွဲကြီးရဲ့ အလယ်မှာက မေမေ နေ့လည်က ဖုတ်ပေးလိုက်တဲ့ ချိစ်ကိတ်ကြီးက တခမ်းတနား နေရာယူထားပါသည်..

ထမင်းစားပွဲပေါ်မှာက သားအမိ သားအဖ လေးယောက်စာ အထူးစီမံထားတဲ့ ဟင်းပွဲတွေက အစုံအလင် စားပွဲရဲ့ ညာဘက်ထိပ်က မေမေ ထိုင်နေကျနေရာလေးမှာက နှင်းဆီပန်း အနီရောင် တစ်ပွင့်ကို ပန်းအိုးလေးထဲမှာ လှလှပပ ထိုးစိုက်ထားခဲ့သလို မွေးနေ့လက်ဆောင်လေး ဖြစ်တဲ့ နားကပ်ဗူးလေးကလဲ ပန်းအိုးလေးဘေးမှာ ပွင့်လျှက်သားလေး ….

မေမေ မေမေကလဲ မေမေထိုင်နေကျ ထိုင်ခုံဘေးနားလေးမှာ ပုံလျှက်သားလေး ခွေခွေလေးလဲလို့….
မေမေလို့ အလန့်တကြားအော်ခေါ်ရင်း မေမေ့ကို အပြေးအလွားထွေးပွေ့ရင်း မေမေ့အသက်ရှုသံတွေကို နားထောင်မိတော့ အသက်ရှုသံတွေက ပုံမှန်မဟုတ်တော့ပါ…

မေမေ့ကိုဆေးရုံပို့ပြီး အဲဒီညက သူတို့ သားအဖတွေ ဆေးရုံမှာ တရေးမှမအိပ်ရပဲ မိုးလင်းခဲ့ပါသည်…
မေမေကတော့ သတိပြန်လည်မလာတော့ပါ… ဆေးရုံရောက်ပြီး နှစ်ရက်အကြာမှာ သူတို့ကို မေမေက အပြီး အပိုင်နှုတ်ဆက်သွားခဲ့ပါသည်….

မေမေ့ရင်ထဲမှာ နှစ်ပေါင်းများစွာ ခံစားနေရတဲ့ ဝေဒနာလေးတစ်ခုကို သူတို့မသိအောင် ဘယ်သူမှလဲမသိခဲ့အောင် မေမေက ပိပိရိရိ ဖုံးကွယ်ထားခဲ့ပါသည်… ဒါပေမယ့် သူတို့က မေမေ့ကို ပျော်ရွှင်စေချင်စိတ်ကလေးနဲ့ ဒဏ်ရာဟောင်းလေးကို ပြန်သတိရစေခဲ့ချိန်မှာတော့ ဒဏ်ရာတွေအများကြီး ရခဲ့ဖူးတဲ့ မေမှေ့လုံးသားက ခံနိုင်ရည်မရှိခဲ့ပါ…

မေမေပေးခဲ့သလောက် သူတို့ ပြန်မပေးနိုင်ခဲ့ပေမယ့် တတ်နိုင်သလောက် ပေးဖို့ ကြိုးစားချိန်မှာ မေမေက လက်ခံဖို့ အဆင်သင့် မဖြစ်ပဲ ဝမ်းနည်းစရာ တွေသာဖြစ်လာခဲ့ပါသည်..ပထမဆုံးနဲ့ နောက်ဆုံးကျင်းပခဲ့တဲ့ မေမေရဲ့ မွေးနေ့လေးတစ်ခုက သူတို့အားလုံးရဲ့ ရင်ထဲမှာ နာနာကျင်ကျင် မှတ်မှတ်ရရ ကျန်ရစ်ခဲ့သလို …

အဲဒီနှစ်ကစလို့ ဖေဖေရော ညီမလေးရော သူရော မွေးနေ့တွေပျောက်ဆုံးခဲ့ပါသည်…ဘယ်သူကမှ မွေးနေ့လုပ်ဖို့ အစမဖော်ပေးခဲ့သလို မွေးနေ့ပွဲတစ်ခုရဲ့ နာကျင်စရာ အဖြစ်လေးကိုလဲ ကိုလဲ သူတို့မမေ့နိုင်ခဲ့ကြပါ…

သူကတော့ မေမေ့ရဲ့ နှလုံးသားထဲမှာ လူမသိအောင် တစ်သက်လုံး သိမ်းဆည်းလာခဲ့တဲ့ ဆူးတစ်ချောင်းကို နှုတ်ယူပေးဖို့ ကြိုးစားမိခဲ့တဲ့ သူ့ကိုယ်သူလဲ အပြစ်တင်လို့ မဆုံးခဲ့ပါ…

အပြစ်ဒဏ်ခတ်တဲ့ အနေနဲ့ သူကိုယ်တိုင်လဲ လိုအပ်လွန်းတဲ့ နေရာတွေမှာသာ သူ့မွေးနေ့ကို ကိန်းဂဏန်းတစ်ခုအနေနဲ့ အသုံးပြုဖြစ်ခဲ့ပေမယ့် ကျန်တဲ့အချိန်တွေမှာတော့ လုံးဝမေ့ထားခဲ့ပါသည်…

အတတ်နိုင်ဆုံး မွေးနေ့ပွဲတွေရဲ့ အဝေးမှာ နေချင်ခဲ့ပေမယ့် ဒီကုမ္ပဏီရဲ့ အစဉ်အလာတစ်ခုက သူ့ကို တော်တော်လေးကို နှိပ်စက်ခဲ့ပါတယ်လို့ ပြောလာတဲ့ သူ့မျက်ဝန်းမှာ မျက်ရည်စတွေကို တွေ့မြင်နေရသလို…. သူ့ရဲ့ ဇာတ်လမ်းလေးကို နားထောင်နေကြတဲ့ လုပ်ဖော်ကိုင်ဘက်တွေကလဲ မျက်ရည်တွေဝဲလို့……..

တကယ်ဆိုရင် ကိန်းဂဏန်းတစ်ခုကို အစပြုခဲ့တဲ့ မွေးနေ့တွေဟာ လူသားတွေကို ပျော်ရွှင်ခြင်းနဲ့ အမှတ်တရများစွာကို ပေးစေနိုင်ခဲ့သလို ကံဆိုးလှစွာနဲ့ ကိန်းဂဏန်းပျောက်ဆုံးနေခဲ့တဲ့ လွဲမှားနေသူတွေ များစွာ ဒီကမ္ထာကြီးပေါ်မှာ အသက်ရှင်လျက် ရှိနေသေးတယ်ဆိုတာ….အမှတ်ထားမိစေဖို့….

ဒီလလေးဟာ ကျွန်မအတွက် မွေးနေ့များစွာကို အမှတ်ရစေတဲ့လလေးတစ်လပါ…

ဇူလိုင် ၄ ရက်နေ့မှာ ကျရောက်တဲ့ သူငယ်ချင်း Reporter,ဘလော့ဂါကြီး ကိုဆွေဝင်း ရဲ့မွေးနေ့
ဇူလိုင် ၅ ရက်မှာ ကျရောက်တဲ့ ချစ်သူငယ်ချင်းလေး ချောချော( ခင်ချောနုရွှေ) ရဲ့မွေးနေ့
ဇူလိုင် ၅ ရက်နေ့မှာကျရောက်တဲ့ ချစ်တူလေး ညီလင်းထက် ရဲ့မွေးနေ့
ဇူလိုင် ၆ ရက်နေ့မှာ ကျရောက်တဲ့ သူငယ်ချင်း Asep Sofyan ရဲ့မွေးနေ့
ဇူလိုင် ၉ ရက်နေ့မှာ ကျရောက်တဲ့ သူငယ်ချင်း Karen Andrade ရဲ့မွေးနေ့
ဇူလိုင် ၉ ရက်နေ့မှာ ကျရောက်တဲ့ သူငယ်ချင်း ဘလော့ဂါမလေး ရဲ့မွေးနေ့
ဇူလိုင် ၁၄ ရက်နေ့မှာကျရောက်တဲ့ ချစ်တူလေး သြချစ်ဘုန်းမိုရ် ရဲ့မွေးနေ့
ဇူလိုင် ၂၂ ရက်နေ့မှာ ကျရောက်မယ့် ဘလော့ဂါမလေး ဇော်ရဲ့ မွေးနေ့
ဇူလိုင် ၂၂ ရက်နေ့မှာ ကျရောက်မယ့် ဘလော့ဂါ ကိုဖိုးစိန်ရဲ့ မွေးနေ့နဲ့
ဇူလိုင် ၂၄ ရက်နေ့မှာ ကျရောက်မယ့် ဘလော့ဂါမလေး နှင်းနဲ့မာယာ တို့အတွက်
အမှတ်တရဖြစ်စေဖို့ ဒီပို့စ်လေးကို ရေးပါတယ်။

သြချစ်လေးရေ
သားရဲ့ ၅ နှစ်ပြည့်မွေးနေ့မှာ ပါပါး မာမားတို့နဲ့ အတူ ညီလေးတွေနဲ့အတူ သူငယ်ချင်းတွေနဲ့အတူ ပျော်ရွှင်နေမှာလား....
တီတီလေးကို လွမ်းနေမှာလား...
တီတီလေးဖုန်းကို မျှော်နေမှာလား...
ကျောင်းမှာ သူငယ်ချင်းတွေနဲ့အတူတူ ဆော့ကစားရင်း တီတီလေးကို မေ့နေမှာလား...

တီလေးကတော့ သားကို အရမ်းလွမ်းနေပီ...
ဆော့လွန်းတယ်...
စွာလွန်းတယ်....
လူကြီးတွေကို ပြန်ပြောလွန်းတယ်.....
ဆရာမကိုတောင် ဆရာပြန်လုပ်တယ်....
ညီလေးတွေကိုလဲ ဆရာလုပ်လွန်းတယ်ဆိုတဲ့ သတင်းတွေနဲ့
နာမည်ကြီးနေတဲ့ သြချစ်လေးကို အရမ်းလွမ်းနေပါတယ်....

ကျူရှင်မှာ ကျောင်းမှာ ဆရာမတွေ သားကိုဆူမှာ အော်မှာ ရိုက်မှာ စိုးရိမ်နေမိသလို
အိမ်မှာလဲ ဘယ်အချိန်အရိုက်ခံနေရမလဲ လို့လဲ အမြဲပူပန်နေရတယ်သားရေ...
သားရဲ့မာမားက သားကို အော်လိုက်ရင် သားလေးတစ်ကိုယ်လုံးတုန်တက်သွားတဲ့ အထိ လန့်ခဲ့ပေမယ့် သားညီလေးကို အော်ခဲ့ရင်တော့ "မာမားရယ် ညီညီ့ကို အရမ်းမအော်ပါနဲ့ "လို့ မာမားကိုတောင်ဆရာလုပ် ပြီး တောင်းပန်ပေးတတ်တဲ့ ပြန်ပြောပေးတတ်တဲ့သားကို အရမ်းသနားမိသလို ဘယ်တုန်းကမှလဲ စိတ်မချရဲပါဘူး....

သားကို သားမာမားက ရိုက်ခဲ့ရင် သားကို ကူဆွဲပေးမယ့်သူမရှိပေမယ့် ညီလေးကိုရိုက်ခဲ့ရင်တော့ "ညီညီဘာမှမလုပ်ဘူး ညီညီ့မှာ အပြစ်မရှိဘူး"ဆိုပြီး အကိုပီပီ ရှေ့ကနေ ကာပေးတတ်တဲ့ သားလေးရဲ့ သိတတ်မှု စာနာမှုလေးတွေကို ကြားရတိုင်း သားအတွက် ကျေနပ်ရပါတယ်။

အတ္တတွေမရှိပဲ စာနာတဲ့စိတ်ကလေးတွေ သားရင်ထဲမှာ ရောက်နေခဲ့တာကို သိရတော့ တီလေး အရမ်းဝမ်းသာရပါတယ်...

သားကို မအော်ဖို့ မရိုက်ဖို့ စိတ်ရှည်ပေးဖို့ အမြဲမှာနေမိပေမယ့် တကယ့် လက်တွေ့မှာ သားကို အော်နေ ဆူနေတဲ့ စိတ်မရှည်တဲ့ သားရဲ့ မာမားအနားမှာ ထားခဲ့ရတာ စိတ်တော့မချပါဘူး သားရယ်.....

သားငယ်ငယ်တုန်းကလို ဘယ်သွားသွား ခေါ်သွားချင်ပေမယ့် သားနဲ့ အဝေးကြီးကိုထွက် လာရတဲ့ အချိန်မှာတော့ တီလေးက သားကို ခေါ်မလာနိုင်ခဲ့ဘူး....

ဆရာမတွေ ဆိုးလွန်းလို့ မူကြိုကျောင်းကို လေးကျောင်းတိတိ ပြောင်းတက်ခဲ့ရတဲ့ သားကို သနားမိသလိုပဲ မူကြိုက ပေးတဲ့ အိမ်စာတွေရေးဖို့ သားအနားမှာ စိတ်ရှည်လက်ရှည်စောင့်ပေးမယ့်သူမရှိတော့ သားလေးက မူကြိုမှာကတည်းက အပြင်ကျူရှင်ထပ်ယူရတဲ့အထိ နာမည်ကြီးနေပြန်ရောနော်.....

မူကြိုကပြန်ရင် ကျူရှင်ထပ်သွားရတယ်ဆိုတဲ့ သားရဲ့ သတင်းကိုကြားတော့ ရီချင်မိပေမယ့် သားအနားမှာ တီလေးမရှိနိုင်တဲ့ အချိန်တွေမှာ ဒီလိုတွေ ဖြစ်လာမယ်ဆိုတာ မျှော်လင့်ထားတာမို့ စိတ်မကောင်းယုံကလွဲလို့ တီလေး ဘာမှ မတတ်နိုင်ခဲ့ပါဘူး သားရယ်....

သားရဲ့ဘဝမှာ မဆုံးနိုင်တဲ့ ပညာတွေ မဖြစ်မနေ သင်ရမယ်ဆိုပေမယ့် သားရဲ့ ဦးနှောက်က လက်ခံနိုင်တဲ့ အတိုင်းအတာ တစ်ခုအထိပဲ သင်ယူစေချင်ပါတယ်.... စိတ်ရော ကိုယ်ပါ ပင်ပန်းစေမယ်ဆိုရင်တော့ သားလေးကို ပညာတတ်ကြီးဖြစ်အောင် မသင်မနေရ မကျက်မနေရဆိုတဲ့ ပညတ်ချက်တွေရဲ့ အဝေးမှာ ခဏလေး ဖွက်ထားပေးချင်ပါသေးတယ်...

ကလေးလေးတွေ အတွက် ပညာဆိုတာ တန်ဘိုးဖြတ်လို့မရတဲ့ အမွေဆိုပေမယ့် လောဘတကြီး ပညာနောက်လိုက်ရင်း ပညာရဲ့ကျေးကျွန်ဖြစ်သွားမှာကိုတော့ စိုးရိမ်မိသေးတယ်သားရေ....
အခုခေတ်ကြီးမှာ လူတစ်ချို့က လူ့ဘဝသက်တမ်းရဲ့ သုံးပုံတစ်ပုံလောက်ကို ပညာတွေသင်ယူနေရင်း ကုန်ဆုံးသွားစေတတ်ပေမယ့် သားလေးကိုတော့ အဲလို သင်ယူမှုတွေနဲ့ တကယ့် ပြင်ပလောကကြီးကြားမှာ Balance ဖြစ်အောင်တော့ အတွေ့အကြုံတွေပါ ရှာဖွေပြီး သင်ယူစေချင်သေးတယ်...

စာအုပ်ထဲက ပညာတွေရော တကယ့်လောကကြီးထဲက ဘဝတွေကိုပါ မျှမျှတတ ကြည့်မြင်စေချင်ပါသေးတယ်...

ဒီနှစ်မှာ သားသူငယ်တန်းစတက်တော့မယ်ဆိုတာ သိနေခဲ့သလို သားလေး ကျောင်းစတက်တဲ့နေ့ကလဲ တီတီလေး တစ်ယောက် အဝေးကြီးကနေ စိတ်တွေပူနေခဲ့သလို ညဘက်မှာလဲ သားကို ဖုန်းဆက်ဖို့ မမေ့ခဲ့ပါဘူး....

သားရဲ့ ပထမဆုံးကျောင်းတက်တဲ့ အတွေ့အကြုံလေးကို မေးချင်ပေမယ့် တီလေးဖုန်းဆက်တဲ့အချိန်မှာ သားက အိပ်နေပြီလေ....

ကျောင်းမတက်ခင်ကတည်းက သားအတွက်မဆုံးနိုင်တဲ့ မှာတမ်းတွေနဲ့ တီတီလေးတစ်ယောက် စိတ်ပူနေခဲ့ရသေးတယ်.....
ချူချာလွန်းတဲ့ သားမို့ အပြင်စာတွေ မကျွေးဖို့ ကျောင်းမှာ ဆရာမနဲ့ သေသေချာချာ အပ်ထားဖို့ အဖော်မပါပဲ အပေါ့အလေး မသွားတတ်တဲ့ သားတစ်ယောက် ကျောင်းမှာ ဒုက္ခရောက်နေမှာလဲ စိတ်ပူနေရသလို ကလေးအချင်းချင်း ရန်ဖြစ်မှာ သားလေးဒဏ်ရာ အနာတရဖြစ်မှာတွေက အစ အများကြီးတွေးပြီး စိတ်ပူနေရတာ သားတစ်ယောက် သိပါ့မလား....

သြချစ်က အဒေါ်နဲ့တူလို့စွာတာ အဒေါ်နဲ့တူလို့ ချေးများတာ အဒေါ်နဲ့တူလို့ အလှအပကြိုက်တာ အဒေါ်နဲ့တူလို့ ပြန်ပြောတတ်တာ အဒေါ်နဲ့တူလို့ အသန့်အပြန့်ကြိုက်တာ အဒေါ်က သင်ပေးထားလို့ အကောင်းကြိုက်တာ လမ်းလျှောက်ပုံက အစ ပြောပုံဆိုပုံအဆုံး မျက်ခုံးသေးသေးလေးရှိတာပါ အဒေါ်နဲ့တူလွန်းတာ မျက်နှာကျပုံ နှုတ်ခမ်းပါးပုံ အစစအရာရာ အဒေါ်နဲ့ တူလွန်းတယ် ဆိုတဲ့ အသံတွေကြားရတိုင်း ပိုပြီး လွမ်းနေရသလို မသိမသာလဲ ကျေနပ်ဝမ်းသာရသေးတယ်သားရေ.....

စခွဲကာစက တီတီလေး မြန်မြန်ပြန်လာတော့ ဆိုတဲ့ အသံကြားတိုင်း အပြေးပြန်လာချင်ခဲ့သလို အိပ်မက်တွေမက်တဲ့ အထိ အဒေါ်ကို စွဲလမ်းလွန်းတဲ့ ချစ်လွန်းတဲ့ သားသတင်းတွေနဲ့အတူ အိပ်မက်တွေမက်ပြီး အိပ်ယာက နိုးချိန်မှာ တအိမ်လုံးအနှံ့ အဒေါ်ကို လိုက်ရှာနေတယ် ဆိုတဲ့ သတင်းကြားတော့ မနေနိုင်အောင်လဲ စိတ်ထဲမှာ ဝမ်းနည်းရပါသေးတယ်...

စိတ်ချင်းဆက်နေသလိုပဲ အဲဒီနေ့က ဖုန်းဆက်ချိန်မှာ "တီတီလေးက သားအိပ်နေတဲ့အချိန်မှာ အိမ်ကို လာလည်သွားတယ် သားနိုးတဲ့အထိမစောင့်ဘူးဆိုတဲ့" အသံလေးက တီလေးကို တော်တော်လေးကို နှိပ်စက်ခဲ့သေးတယ်သားရယ်...

လူက အနားမှာ မရှိခဲ့ပေမယ့် သားနဲ့ထိတွေ့ နေတဲ့ အဝတ်အစားလေးတွေ ကစားစရာလေးတွေ ဖိနပ်လေးတွေက အစ ကျောင်းတက်ဖို့ ကျောပိုးအိတ် ခဲတံပေတံ ရေဗူး ထမင်းဗူးလေးတွေအဆုံး ပို့ပေးခဲ့ပေမယ့် သားအတွက် လိုအပ်တဲ့ ကွက်လပ်လေးကိုတော့ တီလေးက မဖြည့်ပေးနိုင်ခဲ့ပါဘူး....

ဘယ်အချိန်ပဲ ဖြစ်ဖြစ် ဘယ်ကိုပဲရောက်ရောက် သားအတွက် ဆိုတဲ့ အသိလေးနဲ့ ပစ္စည်းလေးတွေဝယ်စုရင်း အလွမ်းဖြေနေရတယ်သားရယ်...
ပြီးခဲ့တဲ့ နှစ်က တီလေးတို့နေတဲ့ တိုက် အပေါ်ထပ်အခန်းမှာ မီးလောင်တော့ သူငယ်ချင်းတွေက ဘာပစ္စည်းမှမယူနဲ့ လူက အရေးကြီးတယ်လို့ ပြောနေချိန်မှာတောင် အရေးကြီးလွန်းတဲ့ ကိုယ်ပိုင် စာရွက်စာတမ်းတွေ ထက် သားအတွက် ဝယ်ထားမိတဲ့ ဖိနပ်လေးကို စိတ်ထဲစွဲပြီး ယူဖို့မယူဖို့ အကြာကြီးစဉ်းစားနေမိတဲ့အထိ သားကို ချစ်ခဲ့ရတာပါနော်...

တီလေးရဲ့ အိပ်ယာဘေးမှာ သားရဲ့ဓါတ်ပုံလေးတွေ အမြဲတမ်းရှိနေခဲ့သလို ပိုက်ဆံအိတ် တအိတ်လုံးပျောက်သွားတုန်းကလဲ အရေးကြီးတဲ့ ကဒ်ပြားပေါင်းများစွာထက် ပိုက်ဆံအိတ်ထဲက သားရဲ့ ဓါတ်ပုံသေးသေးကို နှမြောဆုံး ဖြစ်ခဲ့သလို ပြန်တွေးမိတိုင်းလဲ နှမြောလို့မဆုံးခဲ့ပါဘူး...

သားရဲ့မွေးနေ့မှာ သားနဲ့တူတူ မရှိခဲ့တာ ဒီနှစ်နဲ့ဆိုရင် နှစ်နှစ်တိတိရှိပြီနော်....

သားလေးနားမှာ တီလေးမရှိပေမယ့်...
တီလေးချစ်တဲ့ သားလေးက....
တနေ့တခြား လိမ္မာသိတတ်လာတယ်...
ကိုယ်ချင်းစာတရားလေးရှိလာတယ်....
တကိုယ်ကောင်းမဆန်ဘူး...
ညီလေးတွေအပေါ်ညှာတာတယ်... သိတတ်တယ်...
အကိုပီပီ ကာကွယ်ပေးတတ်တယ်....
မျှမျှတတ တွေးတတ်လာတယ်....
ဗိုလ်မကျတတ်ဘူး....
ဆိုတဲ့ သတင်းလေးတွေနဲ့ သားကို လွမ်းတဲ့ အလွမ်းတွေ ဖြေနေရတယ် သားရေ...

သားလေးရဲ့မွေးနေ့လေးမှာ သားလေးကို လွမ်းရင်း သားလေးအတွက် ဆုတွေတောင်းပေးနေမယ်နော်.....

၁၄.၇.၂၀၀၉ မှာ ကျရောက်တဲ့ တူလေး သြချစ်ဘုန်းမိုရ် အတွက် ရေးပါသည်...

မွေးနေ့ကိတ်လေး ကြိုမှာထားရတာ သိလား......


မွေးနေ့လက်ဆောင် နာရီလေးပေ့ါ...
ဒါကတော့ သူငယ်ချင်းတွေ ကိုတိုက်ဖို့......
ရေမွှေး ကောင်းကောင်းလေး ဝယ်ပေးထားတယ်.....



ရည်းစားမရမချင်းတော့ အဲဒီချင်ပန်ဇီကြီးနဲ့ အဖော်လုပ်နေပေ့ါ............


ပျော်ရွှင်စရာမွေးနေ့ ဖြစ်ပါစေ သူငယ်ချင်း......
အသည်းကွဲခြင်း ဒုက္ခတွေရဲ့ အဝေးမှာ ပျော်ရွှင်နိုင်ပါစေ.....
ကံကောင်းခြင်းတွေ နဲ့အတူ ချစ်သူချောချောလေး အမြန်ဆုံးရပါစေ.........


အဝေးက သူငယ်ချင်းတွေ အားလုံးရဲ့ ကိုယ်စား ငါကပဲ စပွန်စာလုပ်လိုက်ပါတယ် ဟဲဟဲ......

ချောချော ဆွေလေး ကိုကိုကျော် ဖြိုးမောင်လှိုင် ဝင်းဇော် မိုးသိမ့် YUFL သူငယ်ချင်းများနဲ့
အမြဲတမ်း ဒုက္ခတွေပေးနေကျ သူငယ်ချင်း အကောင်းစားလေး ငါ.....