ချစ်သူခင်သူတွေနဲ့ အဝေးမှာ တစ်ယောက်တည်း အထီးကျန်ဖြတ်သန်းခဲ့ရတဲ့ နေ့ရက်တွေများလာတဲ့အချိန်မှာ သံယောဇဉ်ရပ်ဝန်းတစ်ခုကို အမှတ်တရနဲ့ ပြန်ပြီး လွမ်းတတ်လာခဲ့တယ်။

သံယောဇဉ်ရပ်ဝန်းလေးထဲမှာ ဟိုးငယ်စဉ်ကတည်းက ချစ်ခင်ခဲ့ရတဲ့ ရင်ခုန်သံတွေတူညီခဲ့ဖူးတဲ သူငယ်ချင်းလေးတွေရှိသလို အလုပ်ခွင်မှာ ခင်မင်ခွင့်ရခဲ့တဲ့ အိပ်မက်မက်ဖော် သူငယ်ချင်းမိတ်ဆွေလေးတွေလဲ ရှိခဲ့ဘူးတယ်။ ခရီးသွားဟန်လွဲတွေ့ခဲ့ဘူးတဲ့ ဖြူစင်တဲ့သူငယ်ချင်းလေးတွေကလဲ နေရာတိုင်းမှာ ရှိခဲ့ဘူးတာမို့ အမှတ်တရတွေနဲ့အတူ သံယောဇဉ်ရပ်ဝန်းထဲကို ဝင်လာတတ်ကြသေးတယ်။

သူငယ်ချင်းတွေကိုလွမ်းတဲ့အခါ အမှတ်တရရှိခဲ့ဖူးတဲ့ အချိန်လေးတွေကို ပြန်တွေးရင်း လွမ်းမိသလို မတွေ့တာကြာပြီဖြစ်တဲ့ ချစ်သူခင်သူတွေကို အရမ်းသတိရလာရင်တော့ ဘယ်တော့များမှပြန်ဆုံမလဲလို့တွေးမိရင်း အဖြေမရှိတဲ့ ပုစ္ဆာတစ်ပုဒ်ကို တွက်နေမိပြန်တယ်။

တခါတရံမှာ အဝေးကြီးမှာ ကျန်နေခဲ့တဲ့သူတွေနဲ့ ပြန်ဆုံဖို့ဆိုတာ လုံးဝမဖြစ်နိုင်တဲ့ အိပ်မက်တစ်ခုလို့ ကိုယ်တိုင်စီရင်ချက်ချမိတဲ့ အချိန်တွေမှာတော့ အထီးကျန်ခြင်းဆိုတဲ့ ဝေဒနာကို အလူးအလဲခံစားမိလာပြန်တယ်။

စတင်ဆုံဆည်းကြစဉ်က ခွဲခွာဖို့ ဘယ်တုန်းကမှ မတွေးမိကြပေမယ့် မသိမသာ ခွဲခွာခဲ့ရသလို သိသိသာသာဝေးဝေးလာတဲ့ အခါမှာလဲ အဲဒီကွေကွင်းစေခဲ့တဲ့ ကံကြမ္မာတွေကို ဘဝလို့ ခေါင်းစဉ်ပြောင်းတပ်မိတော့ ကျေကျေနပ်နပ်ပြုံးဖြစ်သေးတယ်။

ဆုံဆည်းခြင်းမှာ အတိတ်တွေ နိမိတ်တွေ ချိန်းဆိုခြင်းတွေမပါပဲခဲ့ပေမယ့် ချစ်ခင်သူတွေနဲ့ ခွဲခွာဖို့ နိမိတ်တွေ အရိပ်ထင်လာခဲ့ရင်တော့ မခံစားနိုင်အောင် နာကျင်တတ်နေတာကလဲ လူသားဆန်လွန်းလို့လား သံယောဇဉ်ကြီးလွန်းလို့လား ဆိုတာ ဝေခွဲရခက်နေခဲ့ဘူးရဲ့…

နူးညံ့တဲ့ အနမ်းတွေနဲ့ နှုတ်ဆက်လက်ပြပြီးခွဲခွာသွားသူတွေရှိခဲ့သလို အသံတိတ်ခွဲခွာခြင်းတွေနဲ့ မသိမသာထားခဲ့သူတွေလဲ ရှိတာမို့ နှုတ်ဆက်ချိန်တိုင်းကို ခံနိုင်ရည်ရှိနေဖို့ ပြင်ဆင်နေရတာ ကိုယ့်ကိုယ်ကို သေမိန့်ပေးသလိုဖြစ်နေပြီလားလို့ တွေးမိပြီး လောကဒဏ်ဆိုတာကို လက်မခံချင်ပဲ လက်ခံလာရပြန်တယ်။

သံယောဇဉ် အဖြူရောင်လေးတွေကို အမှတ်ရမိတိုင်း လွမ်းမိတိုင်းလဲ ကော်ဖီခါးခါးခါးတွေကို နှစ်သက်သူတစ်ယောက်လို အလွမ်းခါးခါးတွေကို မြိုချရင်း ရူးသွပ်စွာ ပျော်ဝင်နေခဲ့သေးတယ်။
အလွမ်းခါးခါးတွေကို မြိုချနေရုံနဲ့ မလုံလောက်သေးဘူးဆိုရင်တော့ အိပ်ယာထဲမှာ ငြိမ်ငြိမ်လေးလှဲနေပြီး မျက်ရည်တွေကျလာတဲ့အထိ လွမ်းမောဖြစ်ခဲ့သေးတယ်။

မျက်ရည်တွေခြောက်တဲ့အထိမှ အလွမ်းတွေ မပြေသေးရင်တော့ ဘယ်သူမှမမြင်နိုင်တဲ့ မှတ်စုတိုလေးတွေရေးပြီး အွန်လိုင်းဒိုင်ယာရီလေးထဲမှာ သိမ်းထားဖြစ်ခဲ့တယ်။

တစ်ယောက်တည်းစကားတွေ မပြောတတ်ပေမယ့်သူတို့ရဲ့ နာမည်လေးတွေကို ဖွဖွလေးခေါ်ပြီး တိုးတိတ်စွာ လွမ်းတတ်လာတာဟာ ဘဝသင်ခန်းစာတွေထဲက သင်ရိုးတစ်ခုကို လေ့လာနေရသလို အတွေ့အကြုံအသစ်လေးလဲဖြစ်နေခဲ့သေးတယ်။

အမှတ်တရပေါင်းများစွာနဲ့ မိတ်ဆွေပေါင်းများစွာ သူငယ်ချင်းပေါင်းများစွာ သံယောဇဉ်ပေါင်းများစွာကို ကျောခိုင်းထားဖို့ မေ့လျှော့ထားဖို့ဆိုတာကလဲ တကယ်တမ်းမှာတော့ လွယ်မယောင်နဲ့ ခက်နေခဲ့သေးတယ်။

ငယ်သူငယ်ချင်းလေးတွေရဲ့ မွေးနေ့တွေ အမှတ်တရနေ့လေးတွေတိုင်းကို မမေ့မလျှော့ရှိနေခဲ့သလို သူတို့ရဲ့မွေးနေ့တွေမှာ ကိုယ်တိုင်ကိုယ်ကျ နှုတ်ခွန်းဆက်ဖို့ မတတ်သာတဲ့အချိန်တိုင်းမှာလဲ နာနာကျင်ကျင်နဲ့ ခံစား ကြေကွဲခဲ့ရဘူးတယ်။

Online ပေါ်မှာ Face Book ပေါ်မှာ ရှာလို့မတွေ့နိုင်မယ့် သူငယ်ချင်းလေးတွေကို လွမ်းတဲ့အခါ အတူရှိခဲ့ဘူးတဲ့ နေ့လေးတွေကို တမ်းတရင်း မက်ခဲ့ဘူးတဲ့ အိပ်မက်တစ်ခုကိုပြန်ပြီးအသက်သွင်းဖို့ ကြိုးစားမိပြန်သေးတယ်။

ကြယ်ပွင့်လေးတွေကို တစ်ပွင့်ချင်းရေတွက်မိတဲ့ညတွေမှာ ကြယ်ပွင့်လေးတွေကိုချစ်တဲ့ သူငယ်ချင်းကို အမှတ်တရနဲ့ လွမ်းမိတယ်။

သီချင်းတစ်ပုဒ်တည်းကို မနားတမ်းဖွင့်ပြီး နားထောင်မိတဲ့အချိန်တွေမှာလဲ အဲဒီသီချင်းကိုဆိုပြဘူးခဲ့တဲ့ သူငယ်ချင်းလေးကို လွမ်းနေမိခဲ့သေးတယ်။

စာအုပ်တစ်အုပ်ကို အသည်းအသန်ဖတ်မိတိုင်းလဲ အဲဒီစာအုပ်တွေကိုချစ်တဲ့ သူငယ်ချင်းလေးကို မမေ့မလျှော့ သတိရလိုက်မိသေးတယ်။

အမှတ်တရဖြစ်စေမယ့် ဖိနပ်လေးတွေရွေးစီးမိတိုင်း ကိုယ့်ခြေထောက်အတိုင်းကို မှတ်မိစွာ သတိရစွာနဲ့ ဖိနပ်ဝယ်ပေးခဲ့ဘူးတဲ့ သူငယ်ချင်းလေးကို သတိတရနဲ့ လွမ်းမိနေတတ်သေးရဲ့.

ခရေပန်းဖြူဖြူလေးတွေကို လွမ်းမိတိုင်းလဲ ခရေပန်းကောက်ပေးခဲ့ဖူးတဲ့ သူငယ်ချင်းတစ်ယောက်ကို မေ့လျှော့ပစ်ထားတဲ့ကြားက သတိရမိနေတတ်ဆဲ…

နာရီပတ်ဖို့ အင်မတန်ပျင်းခဲ့ပေမယ့် မဖြစ်မနေ နာရီပတ်ရမယ်ဆိုရင်လဲ နာရီလေးကို လက်ဆောင်ပေးခဲ့ဖူးတဲ့ သူငယ်ချင်းကို သတိရပြီး မဆီမဆိုင် ဝမ်းနည်းနေတတ်သေးတယ်။


သူငယ်ချင်းကို မွေးနေ့ဆုတောင်းပို့ဖို့ ပျက်ကွက်ခဲ့ရင်လဲ ကိုယ့်ကိုယ်ကို အပြစ်တွေတင်ရင်း သူငယ်ချင်းလေးကို စိတ်ထဲကနေ အကြိမ်ကြိမ်တောင်းပန်နေရင်း လွမ်းနေခဲ့ဖူးတယ်…

သံယောဇဉ်အပိုင်းအစတွေလို့ ကိုယ်တိုင်နာမည်ပေးခဲ့ဘူးတဲ့ အမှတ်တရလက်ဆောင် ပိစိလေးတွေ စာတိုပေစလေးတွေကိုလဲ လွင့်ပစ်ဖို့ ဖျောက်ဖျက်ပစ်လိုက်ဖို့ကိုလဲ တခါတလေမှာ နှမြောနေတတ်ခဲ့သေးတယ်။

တစုံတခုကို အပြင်းအထန် လွမ်းမိတဲ့ အချိန်တိုင်းမှာလဲ အဲဒီသံယောဇဉ် အပိုင်းအစလေးကို အဖော်ပြုရင်း တိတ်ဆိတ်နေတဲ့ အခန်းကျဉ်းလေးထဲမှာ နာရီလက်တံတွေကို ထိုင်ရေတွက်ခဲ့ဘူးတယ်။

သံယောဇဉ်အပိုင်းအစလေးတွေကို ဖျောက်ဖျက်ချင်ရင် ဖျောက်ဖျက်ပစ်လို့ရနိုင်ပေမယ့်လဲ ရင်ထဲမှာ အချိန်အတော်ကြာစွဲမြဲနေခဲ့ဘူးတဲ့ အမှတ်တရ သံယောဇဉ်ပေါင်းများစွာကတော့ အလွမ်းတွေအဖြစ်နဲ့ ကျန်နေခဲ့မှာမို့ အလွမ်းတွေပြေစေဖို့ အလွမ်းဖြေဖို့အတွက် ရင်ထဲက သံယောဇဉ်လေးတွေကို တစ်သက်စာ သိမ်းထားမှာကတော့ သေချာနေဆဲ…..

အခုချိန်မှာတော့ အလွမ်းဆိုတာ ကိုယ့်အတွက် သစ္စာအရှိဆုံး အဖော်မွန်...
အရင်းနှီးဆုံး မိတ်ဆွေဖြစ်နေလေရဲ့...

(အဝေးဆုံးမှာကျန်နေခဲ့တဲ့ သူငယ်ချင်းများနဲ့ နှုတ်ဆက်လက်ပြသွားခဲ့ကြတဲ့ သူငယ်ချင်းများ မကြာမီ ထပ်မံခွဲခွာသွားမည့် သူငယ်ချင်းများအတွက် ရေးပါသည်)


(အကြောင်းအမျိုးမျိုးကြောင့် ဘလော့ပေါ်မှာ ပျောက်နေခဲ့ပေမယ့် မမေ့မလျော့ သတိရနေကြတဲ့ သူငယ်ချင်းများအားလုံးကို အထူးကျေးဇူးတင်ပါတယ်။)