သိပ်မကြာခင်မှာလေးမှာတော့ ကိုကိုက မိုးငယ် ကိုပါခေါ်ပြီး ဆေးခန်းကိုထပ်သွားခဲ့ပါသည်။ ပြီးတော့ သူမကို သွေးဖောက်ပြီးစစ်ပေးခဲ့ပါသည်။ မိုးငယ် တီဘီရောဂါ ကူးစက်မှာစိုးတာမို့ ဆေးစစ်ပေးတာပါလို့ ခပ်အေးအေးပဲပြောခဲ့ပါသည်။ မိုးငယ်ကတော့ ဘာရယ်မှန်းမသိခဲ့ပေမယ့် ကိုယ်တိုင်လဲ နားမလည်တာမို့ ကိုကို့သဘောကျ ဘာကိုမှ မငြင်းခဲ့ပါ။ ကိုကို့ကိုလဲ မေးခွန်းတွေ မထုတ်ခဲ့မိပါ။ နယ်ကလာတဲ့ မိန်းကလေးပီပီ သူမဘက်က ရိုးရိုးတွေး ရိုးရိုးမြင်ပြီး တုံးခဲ့ အခဲ့တာလဲ ဖြစ်နိုင်ပါသည်။
မိုးငယ်ရဲ့ ဆေးစစ်ချက် အဖြေကိုသွားယူတဲ့ နေ့တုန်းကတော့ ကိုကို့မျက်နှာလေးမှာ အပြုံးရိပ်တွေတွေ့ခဲ့ရပါသည်။ အဲဒီနေ့က ထူးထူးခြားခြား ကိုကိုတစ်ယောက် အရမ်းပျော်ရွှင်နေခဲ့တာကိုတော့ သတိထားမိခဲ့ပါသည်။
နောက်ပိုင်းမှာတော့ ကိုကို ဆေးတွေ ပုံမှန်သောက်ရင်း ဆေးခန်းကိုလဲ ပုံမှန်သွားခဲ့ပါသည်။ သူမဘက်ကတော့ ကိုကို့ဖျားနာမှုကို သံသယစိတ်ကင်းစွာနဲ့ ပုံမှန်အတိုင်းပဲ အချိန်တွေကို ပေါ့ပါးစွာ ဖြတ်ကျော်ခဲ့ကြပါသည်။
ကိုကို နေမကောင်းဖြစ်ပြီး သုံးလေးလလောက်အကြာမှာတော့ တော်တော် အခြေအနေ ဆိုးလာပါခဲ့သည်။ ကျန်းမာရေး ညံ့လွန်းတာမို့ ပဉ္ဇင်းတက်ချင်လို့ ဆိုပြီး မိုးငယ်ရဲ့မြို့လေးကို လိုက်ပြီး ဒုလ္လဘ ရဟန်းခံခဲ့ပါသည်။ ပြန်ခါနီးအချိန်မှာလဲ သူမဘက်ကဆွေမျိုး မိဘတွေအားလုံးကို လိုက်ကန်တော့ ခဲ့ပါသည်။
ဒီတစ်ခေါက်ရန်ကုန်ပြန်ရောက်တော့ မိုးငယ်ကိုဆေးစစ်ဖို့ ထပ်ခေါ်ပါသည်။ သူမကလဲ သွေးဖောက်ပေးပြီးတဲ့ အထိ ဘာမှမမေးခဲ့ပါ။ ကိုကိုကလဲ ဘာမှမပြောခဲ့ပါ။ ကိုကို ကိုယ်တိုင်က အားပြတ်နေပါပြီ။သူကိုယ်တိုင် နေမကောင်းတဲ့ ကြားက သူမရဲ့ဆေးစစ်ချက်အဖြေကိုလဲ ကိုယ်တိုင်သွားယူတတ်ပါသည်။ ပြန်လာတော့ ထုံးစံအတိုင်း ပြုံးလို့ ပျော်လို့။ ပြီးတော့ မိုးငယ်ရဲ့ ဆေးမှတ်တမ်းစာရွက်လေးကို ဖိုင်လေးထဲထည့် ပြီးသိမ်းလိုက်ပါသည်။
တစ်ပတ်လောက်နေတော့ ကိုကိုတို့သွားစရာ ရှိတယ် မိုးငယ်ပါလိုက်ခဲ့ ဆိုပြီး ကားငှားပြီး ဆေးရုံတစ်ရုံကို ခေါ်သွားခဲ့ပါသည်။ ကိုကို့လက်ထဲမှာလဲ ဆေးမှတ်တမ်းလေးတွေပါတဲ့ ဖိုင်အကြည်လေးကိုင်လို့၊ မိုးငယ်တို့ရောက်ခဲ့တဲ့ နေရာကတော့ ရန်ကုန်မြို့စွန် တနေရာကကူးစက်ရောဂါကု ဆေးရုံတစ်ခုဆိုတာကိုတော့ သိလိုက်ရပါသည်။
တကယ်ဆို ကိုကိုက တီဘီရောဂါသည်တစ်ယောက် မိုးငယ်ရောက်နေတာက အေအိုင်ဒီအိက်စ်ရောဂါသည်တွေ ရှိနေတဲ့ ဆေးရုံ။ တခုခု လွဲနေတာတော့ သေချာပါသည်။ ပိုလို့ ထူးဆန်းတာက ကိုကို မိုးငယ်ကို ပေးတွေ့ခဲ့တဲ့ ဆရာဝန်ပဲ ဖြစ်ပါသည်။ဆရာဝန်ရဲ့ အခန်းထဲကို ဝင်ချိန်မှာတော့ ကိုကို အပြင်မှာ စောင့်ရင်းကျန်နေရစ်ခဲ့ပါသည်။ ဆရာဝန်နဲ့ စကားမပြောခင်အထိ မိုးငယ် ဘာဆိုဘာမှ မရိပ်မိခဲ့ မသိခဲ့ရပါ။
ဆရာဝန်လေးက မိုးငယ်ကို အေအိုင်ဒီအက်စ်ရောဂါ အကြောင်း အကြံပေး ဆွေးနွေးလာခဲ့ပါသည်။ သူမဘက်က ဆောင်ရန်ရှောင်ရန်များ လေ့လာမှတ်သားစရာများကိုပါ အသေးစိတ်ရှင်းပြလာခဲ့ပါသည်။ မိုးငယ်ကို စိတ်ဓါတ်မကျစေဖို့ အားပေးရင်း ကိုကို့မှာ အေအိုင်ဒီအက်စ် ရောဂါဖြစ်နေတာကို အသိပေးပြောပြလာခဲ့ပါသည်။
လက်ရှိဆေးမှတ်တမ်းတွေအရ မိုးငယ်မှာတော့ ရောဂါလက္ခဏာ မပြသေးပါ မိုးငယ်ရဲ့ ဆေးမှတ်တမ်းတွေအားလုံးမှာ HIV negative ဆိုတာကိုပါအသေးစိတ်ရှင်းပြခဲ့ပါသည်။ မိုးငယ်ကိုတော့ တစ်လတစ်ခါပုံမှန် သွေးလာစစ်ဖို့ တိုက်တွန်းခဲ့ပါသည်။ ဆရာဝန်လေးနဲ့ တွေ့ပြီးအခန်းထဲက ထွက်လာမှ သူမအရာရာကို နားလည်သဘောပေါက် ခဲ့ပါသည်။
ကိုကိုကတော့ အိမ်ပြန်ရောက်တဲ့ အထိ မိုးငယ်ကိုဘာမှ မပြောခဲ့ပါ။ သူ့ဆီမှာ ပြောဖို့ခွန်အားတွေ မရှိတော့သလို သူ့ပုံစံက အရုပ်ကြိုးပြတ်။ ညစာစားချိန်မှုာတော့ မိုးငယ်ကို စကားတစ်ခွန်းပဲ ပြောခဲ့ပါသည်။ “အစစအရာရာအတွက် ကိုကိုစိတ်မကောင်းပါဘူး ဒါပေမယ့် မိုးငယ်ရဲ့ ဆေးအဖြေတွေအတွက်တော့ အရမ်းဝမ်းသာပါတယ်” တဲ့။
မိုးငယ်သေသေချာချာ မှတ်မိနေခဲ့တာကတော့ သမီးလေးကို မွေးပြီးကတည်းက ကိုကိုတစ်ယောက် ချူချာလာခဲ့တာမို့ သူမတို့နှစ်ယောက် လက်ပွန်းတတီး မနေဖြစ်ခဲ့ပါ။ ကိုကိုကလဲ မိုးငယိကို ညီမလေး တစ်ယောက်လိုပဲ စောင့်ရှောက်ခဲ့ပါသည်။
ဆရာဝန်တွေကလဲ မိုးငယ်တို့ နှစ်ယောက်ကို အံ့သြနေခဲ့ကြပါသည်။ ဒါပေမယ့် သူမဘက်ကတော့ အနည်းဆုံး နောက်ထပ် ခြောက်လ တစ်နှစ်ဆိုသလို ဆက်တိုက် ဆေးစစ်ကြည့်ရပါမည်။ ပြီးရင်လဲ ခြောက်လတစ်ကြိမ်လောက် ဆိုသလို ထပ်ကာထပ်ကာစစ် ပြီးမှ စိတ်ချရမည်ဟုပြောလာပါသည်။
နောက်ပိုင်းမှာတော့ ဆရာဝန်တွေရဲ့ အကြံပေးချက်အရ ကိုကို့ကို ဆေးရုံတင်လိုက်ရပါသည်။ ရန်ကုန်မြို့စွန်နားက ကူးစက်ဆေးရုံမှာ ဆေးကုသမှုခံနေတာမို့ သူမကတော့ နေ့လည်ဘက် တစ်နေ့လုံး ကိုကို့အနားမှာ စောင့်ပေးရပါသည်။ ညပိုင်းမှာတော့ ကိုကို့ရဲ့ ညီလေးတွက လာစောင့်ပေးပါသည်။
ဆေးရုံမှာ ကိုကိုနဲ့ ဘဝတူ လူနာတွေအများကြီးကို ထပ်တွေ့ ရပါသည်။ ကိုကို့ကို သူတို့က အားပေးလိုက်။ ကိုကိုက သူ့တို့ကို အားပေးလိုက်။ အထူးသဖြင့် ကိုကို့ခုတင်နားက လူနာတွေက ခုချိန်ထိ ရောဂါကူးစက်ခြင်းမခံရသေးတဲ့ မိုးငယ်ကို အားပေးနှစ်သိမ့်ကြခြင်းပဲ ဖြစ်ပါသည်။
မိုးငယ် ဆေးစစ်ပြီးတိုင်း အဖြေတွေထွက်လာတိုင်း ကိုကိုနဲ့ ကိုကိုတို့ အဆောင်က အမျိုးသားလူနာတွေ မျက်နှာပေါ်မှာ အပြုံးပန်းတွေ ဝေလို့နေပါသည်။ သူတို့ခံစားနေရတဲ့ ဝေဒနာ စိတ်ဖိစီးမှုတွေကို သူတပါးကို မခံစားစေချင်တဲ့ စေတနာတစ်မျိုးပဲ ဖြစ်ပါလိမ့်မယ်။
ကူးစက်ဆေးရုံရောက်ပြီး သိပ်မကြာခင်မှာပဲ ကိုကို ဆုံးသွားခဲ့ပါသည်။ ဆေးရုံတက်စဉ်ကတည်းက မခွဲအတူတူရှိခဲ့တာမို့ သတိရတဲ့ အချိန်တိုင်းမှာ ကိုကို မိုးငယ် ကိုတောင်းပန်တတ်ပါသည်။ မိုးငယ်အတွက်လဲ မနားတမ်း ဆုတွေတောင်းပေးနေတတ်ပါသည်။
ကိုကို ဆေးရုံတက်နေခဲ့တဲ့ အချိန်တွေတုန်းက နေမျိုးကို ဆေးရုံထဲမှာ ရိပ်ကနဲဆိုသလို တွေ့ခဲ့ဘူးပါသည်။ ဒါပေမယ့် နေမျိုးက မိုးငယ်ဆီကိုတိုက်ရိုက်မလာသလို ကိုကို့ဆီကိုလဲ မသွားခဲ့တာ သေချာပါသည်။ တရက်မှာတော့ အကူအညီလိုအပ်ခဲ့ရင် သူ့ဆီကို အချိန်မရွေးဖုန်းဆက်ပါ ဆိုတဲ့ စာတိုတိုလေးနဲ့ ဖုန်းနံပါတ်တစ်ခုကို ဆေးရုံသန့်ရှင်းရေး ဝန်ထမ်းတစ်ယောက်ဆီကတဆင့် ရခဲ့ပါသည်။ ဒါပေမယ့် ကိုကို ဆုံးပါးပြီးတဲ့ အထိ နေမျိုးကို အဆက်အသွယ်မလုပ်ခဲ့မိပါ။
မပြောပဲသိနေခဲ့ကြတဲ့ နားလည်မှုကိုယ်စီနဲ့ နှုတ်ဆိတ်နေခြင်းဟာ သူမတို့ နှစ်ယောက်လုံးအတွက် အကောင်းဆုံး ဖြစ်ပါလိမ့်မည်။
“ဒီနေ့ ငါဆေးခန်းသွားရအုံးမယ်ဟ”
ပြောပြောဆိုဆိုနဲ့ ညိုညိုက စာရွက်တွေအားလုံးကို တစုတစည်းတည်းဖြစ်အောင် စုစည်းလိုက်ပါသည်။ စာရွက်အားလုံးကို စာအိတ်ရှည်ကြီးထဲ ထိုးထည့်လိုက်ချိန်မှာတော့ ဘယ်ကဘယ်လို ထွက်ကျလာမှန်းမသိတဲ့ ပလတ်စတစ်လောင်းထားတဲ့ ပါတ်စ်ပို့ဆိုဒ် ဓါတ်ပုံလေးတစ်ပုံ ကြမ်းပြင်ပေါ်ကို ဒေါက်ကနဲ ပြုတ်ကျလာခဲ့ပါသည်။
ဓါတ်ပုံလေးနောက်ကျောက စာတွေကို အရင်မြင်တဲ့ ညိုညိုက ကျောဘက်ကို အရင်လှန်ကြည့်လိုက်ပါသည်။ “ချစ်ရတဲ့ ကိုကြီးအတွက် မီးငယ်” ဆိုတဲ့ ခပ်စောင်းစောင်း လက်ရေးလေးနဲ့ အတူ ရက်စွဲတစ်ခု။ ရက်စွဲလေးက မိုးငယ်တို့ လက်မထပ်ခင် နှစ်နှစ်ခန့်က ရက်စွဲလေး။ ဓါတ်ပုံရှင်လေးကတော့ မိုးငယ်တို့နှစ်ယောက်လုံး ဘယ်လိုမှ မျှော်လင့်မထားမိသူလေး။
ဈေးနဲ့ မလှမ်းမကမ်း ညိုညိုတို့ လမ်းထိပ်မှာနေတဲ့ ညီအမ သုံးယောက်ထဲက အထွေးဆုံး ခိုင်လေးရယ်….။  ဓါတ်ပုံထဲမှာ ပြုံးနေတဲ့ အပြုံးလေးက ပကတိ အေးချမ်းလှသည်။  ခိုင်လေးတို့ ညီအစ်မ သုံးယောက်လုံးက ဒီမြို့လေးမှာ အလှဆုံးစာရင်းဝင်လေးတွေ ရှမ်းပြည်ဘက်ကို ကူးချည်သန်းချည် လုပ်နေကြသူတွေ။ မိုးငယ်နဲ့လဲ အသက်မတိမ်းမယိမ်းလေးတွေ။ ဒါပေမယ့် မိုးငယ်တို့နဲ့  ရင်းရင်းနှီးနှီးမရှိလှပါ။
ခိုင့်ဓါတ်ပုံကို ကိုင်ထားရင်း ညို့နှုတ်ဖျားက ထွက်ကျလာတဲ့ နောက်ဆက်တွဲ သတင်းလေးက သွေးပျက်ချင်စရာ …. လက်မခံချင်စရာ သတင်းဆိုး။
ခိုင်လေးတို့ ညီအမသုံးယောက်လုံးက မိုးငယ် လက်မထပ်ခင်အချိန်တည်းက HIV ရောဂါကူးစက်ခံစားနေရသူတွေ…..
မိုးငယ်ကိုကြီးကို လက်ထပ်ပြီး ရန်ကုန်ကို လိုက်သွားတဲ့ အချိန်ကတည်းက ခိုင်တို့ရဲ့ အိမ်လေးမှာ ချိတ်ထားတဲ့ သော့ခလောက်လေးက  ခုချိန်ထိ ပိုင်ရှင်မဲ့နေဆဲ….တဲ့လေ
ဒီစာအိတ်ရှည်ရှည်လေးထဲက စာရွက်တွေရယ်... ပြီးတော့ ခိုင်လေးရဲ့ ဓါတ်ပုံလေးရယ်...
မိုးငယ်နဲ့ ညိုတို့ ဘယ်လိုမှ စဉ်းစားလို့ မရခဲ့တဲ့ အဖြေတစ်ခုကို တချိန်ချိန်မှာ တစ်ယောက်ယောက်ကတော့ ပြောပြနိုင်ပါလိမ့်မည်။
မိုးငယ်နားကို ဘယ်တော့မှ ပြန်မလာနိုင်တော့မယ့် ကိုကို….
ဒါမှမဟုတ်
မိုးငယ်တို့မြို့နဲ့ မလှမ်းမကမ်းက ရွာလေးတစ်ရွာမှာ ဥယျာဉ်ခြံလုပ်ရင်း နောက်ဆုံးနေ့ကို စောင့်နေရှာတဲ့ ခိုင်လေး……
“မိုးငယ်ရယ် ငါတို့မြို့လေးက တကယ်ပဲ ကျိန်စာပဲ သင့်ခဲ့တာလား….
အဆိပ်နွံမှာပဲ နစ်ခဲ့ကြတာလား…..
ငါ ဒီအလုပ်ကို ဆက်လုပ်ရမှာ မုန်းတယ်”
ခြံထဲက မထွက်ခင် ပြောသွားခဲ့တဲ့ ညိုညို့ရဲ့ စိတ်ပျက် ညည်းညူတဲ့ စကားသံတွေက မိုးငယ်ရဲ့ အာရုံမှာ ကြားတချက် မကြားတချက်….
မြေနီလမ်းလေးအတိုင်း တရွေ့ရွေ့လှမ်းသွားတဲ့ ညို့ကျောပြင်ကိုငေးရင်း ခပ်တိုးတိုးလေးပဲ မှတ်ချက်ချလိုက်မိပါသည်။
“တတောလုံးသုဉ်းပြီး တပင်လုံးလဲ ကြွေခဲ့ပြီးပြီပဲ ညိုရယ်…..”

နှင်းနဲ့မာယာ
( ဒီဇင်ဘာ ၁ ရက် ကမ္ဘာ့ အေအိုင်ဒီအက်စ်နေ့ အထိမ်းအမှတ်)